امریکا کی معروف ٹک ٹاک اسٹار بیلی ہچنز کینسر کے باعث چل بسیں، اہل خانہ نے موت کی تصدیق کردی۔۔
رپورٹ کے مطابق امریکا کی 26 سالہ معروف ٹک ٹاک اسٹار بیلی ہچنز 2 سال تک کینسر سے جنگ لڑنے کے بعد باعث چل بسیں۔
بیلی ہچنز کے شوہر کیڈن نے فوٹو اینڈ شیئرنگ ایپ انسٹاگرام پر اپنی اہلیہ کے مرنے کی تصدیق کردی ہے، انہوں نے یہ خبر شیئر کرتے ہوئے لکھا کہ ’اب وہ تکلیف میں نہیں ہیں ‘۔
View this post on Instagram
کیڈن نے کہا کہ ’میرے لیے یہ کہنا بہت تکلیف دہ ہے کہ میری بیلی بی گزشتہ رات ہمیں چھوڑ کر چلی گئی، وہ 2 سال سے کینسر سے جنگ کررہی تھیں اور اب مزید اس اذیت ناک تکلیف کو برداشت نہیں کریں گی ‘۔
برطانوی میڈیا کا کہنا ہے کہ بیلی ہچنز 2023 میں 24 سال کی عمر میں کینسر کے چوتھی اسٹیج میں مبتلا ہوئی تھیں، ان کے ٹک ٹاک اکاؤنٹ پر 1.6 لاکھ سے زیادہ فالوورز اور لاکھوں لائکس تھے۔
بیلی ہچنز نے اپنی بیماری کا ذکر بھی اپنے ٹک ٹاک اکاؤنٹ پر ہی کیا تھ جبکہ وہ ٹک ٹاک کے ذریعے اپنی بیماری کے بارے میں آگاہی فراہم کرتی رہتی تھیں۔
