The news is by your side.

Advertisement

ٹک ٹاک ویڈیو بنانے والے صارفین کیلیے اچھی خبر

دنیا بھر میں مقبول سوشل میڈیا پلیٹ فارم ٹک ٹاک نے ویڈیوز بنانے والوں کے لیے بذریعہ اشتہارات ریونیو شیئرنگ پروگرام متعارف کروادیا۔

مختصر ویڈیو شیئرنگ ایپ ٹک ٹاک کے نئے پلس پروگرام کے تحت کمپنیاں اپنے اشتہارات کو مخصوص کیٹگریز (ہیلتھ ، فیشن، کوکنگ، گیمنگ) کے مواد کو شامل کرسکیں گی۔

واضح ٹک ٹاک حالیہ برسوں میں اپنے اربوں سے زیادہ ایکٹو یوزر کے ساتھ عالمی سطح پر ایک مقبول ایپ بن کر ابھری تاہم ٹک ٹاک کو کریٹرز کے لیے مناسب طرز کا مواد مونیٹائز پروگرام فراہم نہ کیے جانے پر تنقید کا نشانہ بنایا جاتا رہا۔

فرم کے شمالی امریکہ کے جنرل منیجر سینڈی ہاکنز نے ٹیک ویب سائٹ دی ورج کو بتایا کہ پروگرام جون میں امریکا سے شروع کیا جائے گا اور منتخب کیے گئے تخلیق کاروں کو اشتہار کی آمدنی میں 50 فیصد ریوینیو دیا جائے گا۔

نئے پروگرام سے متعلق گفتگو میں ایک چینی کمپنی بائٹ ڈانس کا کہنا ہے کہ ہم تخلیق کاروں، عوامی شخصیات اور میڈیا پبلشرز کے ساتھ اپنے پہلے اشتہاری ریونیو شیئرنگ پروگرام کو تلاش کرنا شروع کریں گے۔

ان کا کہنا تھا کہ ہم دستیاب مارکیٹوں میں مونیٹائزیشن کا مسئلہ حل کرنے پر توجہ مرکوز کر رہے ہیں تاکہ تخلیق کاروں کو ٹک ٹاک پر اپنی اہمیت اور حاصل انعامات کا احساس دلایا جاسکے۔

اس حوالے سے ٹک ٹاک کا کہنا ہے کہ پروگرام کے پہلے مرحلے کے لیے کم از کم ایک لاکھ سبسکرائبرز والے اکاؤنٹس ہی اہل ہوں گے۔

Comments

یہ بھی پڑھیں