سیکرٹری الیکشن کمیشن عمر حمید نے کہا ہے کہ الیکشن کب ہوں گے معاملہ اب سپریم کورٹ میں ہے الیکشن کے لئے پرنٹنگ کی ٹائم لائن گزر چکی ہے۔
اسلام آباد میں تقریب سے خطاب کرتے ہوئے سیکریٹری الیکشن کمیشن نے کہا کہ فنڈز کی عدم فراہمی سے پرنٹنگ کی کارروائی رکی ہوئی ہے اسوقت ہماری تیاری پنجاب اور خیبرپختونخوا الیکشن کے حوالے سے تھی۔
انہوں نے کہا کہ سپریم کورٹ کی کارروائی جیسے ہی ختم ہوگی پھر الیکشن کمیشن کوئی فیصلہ کرے گا الیکشن کمیشن کو صبح شام چیلنجز کا سامنا ہے الیکشن کمیشن نے بہت سی چیزیں تبدیل کی ہیں ہم جلد مانیٹرنگ سسٹم اپڈیٹ کریں گے۔
عمر حمید کا کہنا تھا کہ کوشش کریں گے میڈیا کو دو تین ماہ بعد ٹریننگ کرائیں الیکشن کوریج پر میڈیا کو رپورٹنگ میں کوئی مسئلہ نہیں ہوگا آج کل ہم سپریم کورٹ کے چکر لگا رہے ہیں سپریم کورٹ کا جو بھی فیصلہ ہوگا اسے قبول کریں گے۔
