The news is by your side.

Advertisement

ورزش کرنے کے چند دلچسپ طریقے

ہم میں سے بہت سے لوگ فٹ رہنے کے لیے ورزش کرنا چاہتے ہیں۔ ایک عام تصور یہ ہے کہ ورزش کسی ایسے کام کا نام ہے جو جسم کو تھکا دے۔ جیسے بھاری وزن اٹھانا یا کئی میل دور تک دوڑنا۔ ایسا بالکل نہیں ہے۔

exe-1

یہاں ہم آپ کو کچھ ایسے طریقے بتا رہے ہیں جو ورزش کو دلچسپ بنادیں گے اور آپ بخوشی ورزش کریں گے۔

سب سے پہلے تو یاد رکھیں کہ ورزش ہمیشہ صبح کے وقت کرنی چاہیئے۔ وقت نہ ملنے کے سبب لوگ دوپہر میں یا شام میں آفس سے آنے کے بعد ورزش کرتے ہیں۔ شام تک جسم تھک جاتا ہے اور اس پر ورزش کا بوجھ لادنا اسے مزید تھکا دیتا ہے۔ ایسی ورزش کا کوئی فائدہ نہیں ہوتا بلکہ الٹا نقصان ہی ہوتا ہے۔

:جس کام سے خوفزدہ ہیں وہ کریں

exe-2
لوگ کئی کام کرنا چاہتے ہیں لیکن وہ اس سے خوفزدہ ہوتے ہیں۔ جیسے لوگ تیراکی کرنا چاہتے ہیں مگر انہیں خوف ہوتا ہے کہ لوگ انہیں یکھ کر ہنسیں گے۔ سب سے پہلے اس خوف کو نکال پھینکیں۔ وہی کریں جو کرنا آپ کو اچھا لگتا ہے۔

:سوچیں کہ آپ کا وزن گھٹ رہا ہے

exe-3
لوگ صرف 2 دن ورزش کرتے ہیں اور چاہتے ہیں کہ ان کا وزن گھٹ جائے۔ جب ایسا نہیں ہوتا تو وہ ورزش سے بد دل ہوجاتے ہیں۔ ایسا صرف اسی صورت میں ہوسکتا ہے جب آپ اولمپک کے کھلاڑی ہوں اور روزانہ 8 گھنٹے دوڑتے ہوں۔

بد دل ہونے کے بجائے آپ اپنے دماغ کو باور کرائیں کہ آپ کا وزن گھٹ رہا ہے۔ یہ آسان کام ہے۔ اس سے آپ کی دلچسپی ورزش میں برقرار رہے گی۔

:باہر جائیں

exe-4
خاندان کے کسی فرد کے ساتھ باہر پارک میں چہل قدمی کرنا بھی ورزش ہے۔ جم کے بورنگ ماحول میں جا کر ورزش کرنا لوگوں کوتھکا دیتا ہے۔ اس کے بجائے باہر کھلی فضا میں ورزش کرنا زیادہ فائدہ مند ہے۔

:چہل قدمی کریں

exe-5
چہل قدمی کے بہت سے فائدے ہیں۔ اگر آپ کسی کام سے اپنی توجہ کھو رہے ہیں تو خالی الذہن ہوکر چہل قدمی کریں۔ یہ آپ کے دماغ کو پرسکون کردے گی۔ اسی طرح اگر آپ کو غصہ آرہا ہے یا آپ ذہنی تناؤ کا شکار ہیں تو بھی چلنا آپ کے لیے فائدہ مند ہے۔

ایک تحقیق کے مطابق جو لوگ دن میں کچھ وقت پیدل چل کر گزارتے ہیں ان میں غصہ کرنے کا عنصر کم ہوجاتا ہے۔

:لائیو ایکشن

exe-6
ایسے ایکشن کریں جو آپ کتابوں میں پڑھتے ہوں اور انہیں حقیقی زندگی میں کرنا چاہتے ہوں۔ جیسے تلواروں سے لڑنا، لڑائی میں حصہ لینا۔ اپنے ورزش کرنے والے دوستوں کو بھی اس میں شامل کریں یوں آپ صحیح معنوں میں ورزش سے لطف اٹھا سکیں گے۔

Comments

comments

یہ بھی پڑھیں