The news is by your side.

Advertisement

منہ سے جراثیم ختم کرنے کے گھریلو ٹوٹکے

منہ کی ہائیجین کے لیے میڈیکل اسٹورز پر مختلف کمپنیوں کی مہنگی اور نت نئی پروڈکٹس دستیاب ہیں، تاہم منہ سے جراثیم ختم کرنے کے لیے چند مفید اور آسان ٹوٹکے بھی موجود ہیں، جنھیں استعمال کیا جا سکتا ہے۔

بعض طبی ماہرین بھی کہتے ہیں کہ منہ کو صاف کرنے کے لیے عام مصنوعات کی بجائے قدرتی اجزا والی اشیا پر بھروسا کیا جا سکتا ہے، تاہم اہم بات یہ ہے کہ منہ میں مضر صحت بیکٹیریا کی افزائش کو روکنے کے لیے حفظان صحت کے اصولوں کے مطابق منہ کی صفائی ضروری ہے۔

منہ میں موجود مضر صحت جراثیم جگر، گردوں اور معدے پر منفی اثرات ڈال سکتے ہیں، اس لیے طبی ماہرین منہ کی صفائی پر بہت زیادہ زور دیتے ہیں۔

منہ کی صفائی کے لیے قدرتی اجزا پر مشتمل اشیا بھی فائدہ مند ثابت ہوتی ہیں، ایسے ہی کچھ گھریلو ٹوٹکے یہاں پیش کیے جا رہے ہیں۔

پانی اور نمک

گرم پانی کا آدھا کپ لیں اور اس میں آدھا چمچ نمک ڈال لیں، اسے اچھی طرح ہلائیں اور پھر اس سے غرارے کریں۔

ناریل کا تیل

ناریل کے تیل سے بھی غرارے کیے جا سکتے ہیں، اس کے لیے ناریل کے خالص تیل کا ایک چمچ لے کر غرارے کریں، یہ عمل دن میں کئی بار کیا جا سکتا ہے، تیل نگلنے سے پرہیز کریں۔

لونگ اور دارچینی کا تیل

ایک گلاس پانی میں لونگ اور دارچینی کے تیل کے 10 قطرے ڈالیں، اور اسے کسی بوتل میں رکھ لیں، اور دن میں روزانہ 2 بار اس سے غرارے کریں۔

بیکنگ سوڈا

ایک چمچ سوڈا ایک گلاس گرم پانی میں ملائیں، اس سے غرارے کریں، نگلنے سے پرہیز کریں، غراروں کے بعد ہلکے گرم پانی سے منہ دھو لیں۔

Comments

یہ بھی پڑھیں