ٹائی ٹینک کی باقیات دیکھنے کے لیے سروس فراہم کرنے والی ٹائٹن آبدوز کمپنی کی جانب سے مسافروں کی ہلاکت کا اعلان کر دیا گیا۔
اوشین گیٹ کے مطابق لاپتہ ہونے والی ٹائٹن آبدوز کے مسافر ہلاک ہو چکے ہیں یقین ہےٹائی ٹینک دیکھنے جانے والی آبدوز کے مسافر اب نہیں رہے۔
کمپنی نے بیان میں کہا ہے کہ ہمیں مسافروں کے کھونے کا بہت افسوس ہے جس پر وہ متاثرہ فیملیز سے اظہارِافسوس کرتے ہیں اور غم کی اس گھڑی میں ان کے ساتھ ہیں۔
ٹائٹن آبدوز کمپنی کی جانب سے مسافروں کی ہلاکت کا اعلان کردیا گیا#ARYNews #Titan #Titanic pic.twitter.com/2eDKgCyMHj
— ARY NEWS (@ARYNEWSOFFICIAL) June 22, 2023
واضح رہے کہ بحر اوقیانوس میں دنیا کے امیر ترین شخصیات کو ٹائی ٹینک کی باقیات دیکھانے کے لیے لے جانے والی آبدوز ٹائٹن لاپتا ہے جس کی تلاش کے لیے بڑے پیمانے پر سرچ آپریشن جاری ہے۔
ٹائی ٹینک کاملبہ دکھانے کے لیے سیاحوں کو لےجانے والی آبدوز 18 جون کو لاپتا ہوئی تھی، جس کی تلاش کے لیے امریکا،کینیڈا اور فرانس کی ٹیمیں مصروف ہیں۔
یہ آبدوز کینیڈا کے جزیرے نیو فاؤنڈلینڈ سے روانہ ہوئی تھی، امریکی کوسٹ گارڈ کے مطابق اتوار کے روز سفر کے آغاز کے ایک گھنٹہ 45 منٹ بعد ہی آبدوز کا رابطہ منقطع ہو گیا تھا۔
ٹائی ٹینک جہاز کا ملبہ نیو فاؤنڈلینڈ کے ساحل سے تقریباً 600 کلومیٹر دور بحر اوقیانوس میں 12 ہزار 500 فٹ گہرائی میں موجود ہے۔
