سکھر: مال گاڑی کی بوگی پٹڑی سے اترگئی، ٹریک مکمل بلاک۔مرمتی کام جاری
The news is by your side.

Advertisement

سکھر: مال گاڑی کی بوگی پٹری سے اترگئی، ٹریک مکمل بلاک

سکھر: روہڑی اسٹیشن کے قریب مال گاڑی کی بوگی پٹری سے اتر گئی جس کے باعث ٹریک مکمل طور پر بلاک ہوگیا۔

تفصیلات کے مطابق روہڑی اسٹیشن کے قریب مال گاڑی کی بوگی پٹری سے اترنے کے نتیجے میں کراچی سے لاہور جانے والا اپ ٹریک مکمل بلاک ہے۔

ریلوے ٹریک بند ہونے کی وجہ سے ٹرینوں کو مختلف اسٹیشنز پر روک دیا گیا، انتظامیہ کی جانب سے مرمتی کام جاری ہے، جلد ٹریک بحال کردیا جائے گا۔

حادثے کے بعد گرین لائن، فرید ایکسپریس اور خیبرمیل ٹرین کو مختلف اسٹیشنز پر روکا گیا ہے۔

خیال رہے کہ اس سے قبل مئی 2016 میں حیدرآباد سے کراچی آنے والی مال گاڑی پٹری سے اترگئی تھی۔

حیدرآباد میں مال گاڑی کے 5 ڈبے پٹری سے اتر گئے

حیدرآباد سے کراچی جانے والی مال گاڑی کے 5 ڈبوں کے پٹری سے اترجانے کی وجہ سے حیدر آباد ڈاؤن ٹریک پر ریل کی آمدو رفت معطل ہوگئی تھی۔

یاد رہے کہ جون 2016 میں گھوٹکی کے علاقے ڈہرکی میں مال گاڑی ریلوے ٹریک سے اترگئی تھی جس کے سبب ٹرینوں کی آمد ورفت معطل ہوگئی تھی۔

واضح رہے کہ ملک میں مال گاڑی سمیت مسافر ٹرین بھی متعدد بار حادثات کا شکار ہوچکی ہے جس کے باعث کئی جانوں کا ضیاع ہوا۔

Comments

comments

یہ بھی پڑھیں