ٹوبہ ٹیک سنگھ : گھریلو جھگڑے نے خاندان اجاڑدیا، زہریلی چائے سے متاثرہ پانچوں بچے جاں بحق ہوگئے، بیوی نے الزام عائد کیا کہ شوہرنے مبینہ طور پرچائے میں زہرملادیا۔
تفصیلات کے مطابق ٹوبہ ٹیک سنگھ میں ٹوبہ ٹیک سنگھ میں زہریلی چائے سے متاثرہ ایک اوربچی چل بسی، جس کے بعد جاں بحق بچوں کی تعداد پانچ ہوگئی جبکہ بچوں کی ماں نادیہ الائیڈاسپتال میں زیرعلاج ہے۔
پولیس نے بتایا کہ زہریلی چائےپینےسےاموات کامقدمہ ماموں کی مدعیت میں درج کیا گیا ہے، جس میں کہا کہ خاتون کا بیٹی کی شادی کے معاملے پر شوہر سے جھگڑا ہوا تھا۔
بچوں کی ماں نے شوہر پر زہر دینے کا الزام عائد کیا ، جس پر پولیس نے والد کو گرفتار کرلیا ہے تاہم شوہر نے بیوی بچوں کو زہریلی چائے پلانے کے الزام سے انکار کردیا۔
مزید پڑھیں : ٹوبہ ٹیک سنگھ : زہریلی چائے پینے سے مرنے والے بچوں کے والد کا اہم بیان سامنے آگیا
دوسری جانب گوجرہ میں زہریلی چائے پینےسےجاں بحق چار بچوں کی نمازجنازہ اداکردی گئی ہے، ثانیہ، اقرا،مدیحہ اورعلی حسن کی نمازجنازہ اداکی گئی ہے، نمازجنازہ میں اہل علاقہ نے کثیرتعداد میں شرکت کی۔
گذشتہ روز ٹوبہ ٹیک سنگھ کےعلاقے صدر میں چائے پینے سے خاتون اور پانچ بچوں کی حالت غیر ہوگئی تھی، اسپتال لے جانے پر پتا چلا تھا کہ تمام افرادکوزہر دیاگیا ہے۔
دوران علاج 6 سالہ علی،7سالہ اقرا، 22سالہ ثانیہ اور 18سالہ مدیحہ اسپتال میں دم توڑگئے، پولیس کا کہنا ہے تمام پہلوؤں سے تفتیش کررہےہیں۔
