کراچی: ملک بھر میں سونے کی فی تولہ قیمت میں 3500 روپے کی کمی ہوئی ہے۔
آل پاکستان جیمز اینڈ جیولرز ایسوسی ایشن کے مطابق پاکستان میں فی تولہ سونا 3500 روپے سستا ہونے کے بعد 2 لاکھ 48 ہزار 700 روپے کا ہوگیا۔
جیولرز ایسوسی ایشن کے مطابق 10 گرام سونا 3021 روپے کم ہو کر 2 لاکھ 13 ہزار 220 روپے کا مل رہا ہے۔
- Advertisement -
عالمی بازار میں سونے کا بھاؤ 30 ڈالر کم ہوکر 2381 ڈالر فی اونس پر آگیا، اس کے علاوہ چاندی کی فی تولہ قیمت 30 روپے کی کمی سے 2 ہزار 750 روپے ہو گئی۔
واضح رہے کہ ہفتے کے آخری روز سونے کی قیمت میں 1500 روپے کا اضافہ ہوا تھا، سونے کی قیمت میں اضافے کے بعد فی تولہ سونا 2 لاکھ 52 ہزار 200 روپے کا ہوگیا تھا، اسی طرح 10گرام سونے کی قیمت 1286 روپے بڑھ کر 2 لاکھ16 ہزار 221 روپے تھی۔
