کراچی: ملک میں سونے کی قیمت میں مزید اضافہ ہوگیا۔
آل پاکستان جیمز اینڈ جیولرز ایسوسی ایشن کے مطابق سونے کی فی تولہ قیمت میں 2 ہزار 500 روپے اضافہ ہوا ہے جس کے بعد سونے کی فی تولہ قیمت 2 لاکھ 40 ہزار 500 روپے ہوگئی ہے۔
ملک میں 10 گرام سونے کی قیمت 2 ہزار 143 روپے اضافے کے بعد 2 لاکھ 6 ہزار 190 روپے ہوگئی۔
عالمی مارکیٹ میں سونے کی قیمت 21 ڈالر اضافے کے بعد بلند ترین سطح 2 ہزار 322 ڈالر فی اونس پر پہنچ گئی ہے جبکہ چاندی کی فی تولہ قیمت 2 ہزار 620 روپے پر مستحکم رہی ہے۔
