کراچی: ملک بھر میں سونے کی فی تولہ قیمت میں 300 روپے کی کمی ہوگئی۔
پاکستان جیمز اینڈ جیولر ایسوسی ایشن کے مطابق سونے کی فی تولہ قیمت 300 روپے کم ہوکر 2 لاکھ 48 ہزار 200 روپے ہوگئی ہے۔
ایسوسی ایشن کا بتانا ہے کہ ملک بھر میں 10 گرام سونے کا بھاؤ 236 روپے کم ہوکر 2 لاکھ 12 ہزار 791 روپے ہوگیا ہے جس کے بعد عالمی بازار میں سونے کا بھاؤ 3 ڈالر کم ہوکر 2415 ڈالر فی اونس ہے۔
- Advertisement -
واضح رہے کہ گزشتہ روز بھی سونے کی قیمت میں 1900 روپے کی کمی ہوئی تھی جس کے بعد سونے کی فی تولہ قیمت 2 لاکھ 48 ہزار 500 روپے ہوگئی تھی۔