کراچی: ملک میں آج کاروباری ہفتے کے پہلے روز سونے کی فی تولہ قیمت میں کمی واقع ہوئی۔
آل پاکستان جیمز اینڈ جیولرز ایسوسی ایشن کے مطابق پاکستان میں فی تولہ سونا 1500 روپے سستا ہوکر 2 لاکھ 79 ہزار 300 روپے کا ہوگیا۔
اسی طرح 10 گرام سونا 1286 روپے کی کمی سے 2 لاکھ 39 ہزار 455 روپے کا ہوگیا۔
عالمی مارکیٹ میں بھی سونے کی قیمت میں کمی واقع ہوئی، بین الاقوامی مارکیٹ میں 15 ڈالر کی کمی کے بعد 2675 ڈالر فی اونس کا ہوگیا۔
یاد رہے کہ سونا خریدنا روایتی طور پر محفوظ سرمایہ کاری سمجھا جاتا ہے جس کی قیمت افراط زر، سیاسی اور معاشی عدم استحکام کے اوقات میں بڑھ جاتی ہے۔
اسے صدیوں سے کرنسی اور دولت کی شکل کے طور پر استعمال کیا جاتا رہا ہے، جب سرمایہ کار دوسرے اثاثوں کے بارے میں غیر یقینی محسوس کرتے ہیں، تو وہ اکثر سونا خریدے ہیں۔
سونے کی قیمت میں مسلسل چوتھے روز بھی اضافہ، فی تولہ کتنے کا ہوگیا؟
پاکستان میں گزشتہ برس سونے کی قیمت کے تعین کے طریقہ کار میں تبدیلی کردی گئی تھی، جس کے تحت سونے کی قیمت انٹرنیشنل مارکیٹ ریٹ سے 20 ڈالر فی اونس زیادہ مقرر کی گئی۔
