ملک میں سونے کی فی تولہ قیمت میں کمی ہوگئی جبکہ ڈالر کی قدر میں بھی کمی کا رجحان رہا۔
آل پاکستان جیمز اینڈ جیولرز ایسوسی ایشن کے مطابق 900 روپے کمی کے بعد ملک میں فی تولہ سونے کی قیمت 2 لاکھ 40 ہزار 600 روپے ہے۔
اسی طرح دس گرام سونے کی قیمت 771 روپے کم ہوکر 2 لاکھ 6 ہزار 276 روپے رہی۔
- Advertisement -
عالمی مارکیٹ میں بھی سونے کی قیمت میں کمی کا رجحان رہا سونے کی قیمت 13 ڈالر کم ہوکر 2 ہزار 293 ڈالر فی اونس رہی۔
دوسری جانب انٹر بینک میں ڈالر کی قدر 12 پیسے کمی کے بعد 278 روپے 50 پیسے رہی۔
انٹربینک میں گزشتہ روز ڈالر 278 روپے 62 پیسے پر بند ہوا تھا، آج اوپن مارکیٹ میں بھی ڈالر کی قدر میں کمی دیکھی گئی اور ڈالر 5 پیسے سستا ہوکر 280 روپے27 پیسے پر بند ہوا۔
