پاکستان میں سونے کی قیمت مسلسل دوسرے روز بھی اضافہ ریکارڈ کیا گیا ہے۔
آل پاکستان جیمز اینڈ جیولرز ایسوسی ایشن کے مطابق پاکستان میں آج سونے کی فی تولہ قیمت میں 1 ہزار روپے کا اضافہ ہوا جس کے بعد فی تولہ قیمت 2 لاکھ 77 ہزار روپے ہوگئی۔
اسی طرح 10 گرام سونے کی قیمت 858 روپے بڑھنے کے بعد 2 لاکھ 37 ہزار 483 روپے رہی۔
عالمی مارکیٹ میں بھی سونے کی قیمت میں 10 ڈالر اضافہ ہوا جس کے بعد سونے کی قدر 2652 ڈالر فی اونس ہے۔
سال 2025 میں سونے کی قیمتیں کہاں تک جاسکتی ہے؟ – آڈیو
یاد رہے کہ سونا خریدنا روایتی طور پر محفوظ سرمایہ کاری سمجھا جاتا ہے جس کی قیمت افراط زر، سیاسی اور معاشی عدم استحکام کے اوقات میں بڑھ جاتی ہے۔
اسے صدیوں سے کرنسی اور دولت کی شکل کے طور پر استعمال کیا جاتا رہا ہے، جب سرمایہ کار دوسرے اثاثوں کے بارے میں غیر یقینی محسوس کرتے ہیں، تو وہ اکثر سونا خریدے ہیں۔
پاکستان میں آج ڈالر اور دیگر کرنسیوں کی قیمت
پاکستان میں گزشتہ برس سونے کی قیمت کے تعین کے طریقہ کار میں تبدیلی کردی گئی تھی، جس کے تحت سونے کی قیمت انٹرنیشنل مارکیٹ ریٹ سے 20 ڈالر فی اونس زیادہ مقرر کی گئی۔
