عجیب و غریب واقعے میں ایک سالہ بچے کے کاٹنے کے باعث سانپ ہلاک ہوگیا، واقعے کی ویڈیو سوشل میدیا پر وائرل ہوگئی۔
بھارتی ریاست بہار میں ایک حیرت انگیز واقعہ پیش آیا ہے جہاں ایک سالہ بچے گیا نے سانپ کو کھلونا سمجھتے ہوئے دانتوں سے کاٹ لیا جس کے باعث سانپ ہلاک ہوگیا جبکہ بچہ نہ صرف سانپ سے پوری طرح محفوظ رہا بلکہ اسے کسی بھی قسم کا نقصان نہیں پہنچا۔
بچہ اپنے گھر کے ٹیرس میں کھلونوں سے کھیل رہا تھا اور وہاں موجود سانپ کے خطرے سے بے خبر تھا، اسی دوران ایک سالہ لڑکے نے سانپ کو کھلونا سمجھ کر پکڑا اور دانتوں سے کاٹ لیا۔
بعدازاں سانپ کو مقامی کمیونٹی سینٹر لے جایا گیا جہاں اس کے مرنے کی تصدیق ہوگئی، سوشل میڈیا پر ایک ویڈیو گردش کررہی ہے جس میں ننھے بچے کو اس کی ماں کی گود میں دیکھا جاسکتا ہے جبکہ ایک شخص موبائل فون میں مردہ سانپ کی تصویر دکھا رہا ہے۔
میڈیکل سینٹر میں ڈاکٹرز نے اس ایک سالہ بچے کا طبی معانہ کیا اور اس بات کی تصدیق کی سانپ کو دانتوں سے کاٹنے کے باوجود بچے کو کوئی نقصان نہیں پہنچا۔
اس بات کا بھی اندازہ لگایا گیا ہے کہ مذکورہ سانپ زہریلا نہیں تھا جبکہ مون سون کے موسم میں عام طور پر اس طرح کے سانپ اس علاقے میں پائے جاتے ہیں۔
