امریکہ میں دودھ پیتے بچے کی فائرنگ‘ 2 بچے زخمی -
The news is by your side.

Advertisement

امریکہ میں دودھ پیتے بچے کی فائرنگ‘ 2 بچے زخمی

شکاگو : امریکی ریاست مشی گن میں حادثاتی طور پر دودھ پیتے بچے کی فائرنگ سے دو بچے زخمی ہوگئے۔

تفصیلات کے مطابق مشی گن پولیس حکام کا کہنا ہے کہ چھوٹے بچے سے حادثاتی طور پر گولی چلنے کے نتیجے میں دو بچے زخمی ہوگئے جنہیں اسپتال منتقل کردیا گیا۔

پولیس حکام کا کہنا ہے کہ حادثاتی طور پرگولی چلنےکا واقعہ مشی گن کے علاقے دیئربورن میں واقع ایک گھر میں پیش آیا جہاں دن میں بچوں کی دیکھ بھال کی جاتی ہے۔


کیلیفورنیا، طالب علم نے ہم جماعت کو قتل کر کے خود کو بھی گولی مارلی


پولیس کا کہنا ہے کہ دودھ پیتے بچے کی فائرنگ سے ایک بچے کے کندھے پر گولی لگی جبکہ فائرنگ سے زخمی ہونے والے دوسرے بچے کی حالت تشویش ناک ہے۔

پولیس کا کہنا ہے کہ فائرنگ کے واقعے کے حوالے سے تحقیقات مکمل کرلی گئی ہیں اور اس سلسلے میں پراسیکیوٹر سے ملاقات کی جائے گی جس میں اس بات کا تعین کیا جائے گا کہ اس کیس میں فائرنگ کی دفعات لگائی جائیں یا نہیں۔


امریکہ، اسکول میں فائرنگ سے ایک معلم اور دو طالب علم زخمی


امریکی میڈیکل جنرل پیڈریٹریز میں شائع ہونے والی رپورٹ کے مطابق ہرسال امریکہ میں 1300 بچے فائرنگ کے واقعات میں ہلاک جبکہ 5790 زخمی ہوتے ہیں۔

خیال رہے کہ ہرسال بچوں کی جانب سے فائرنگ کے واقعات میں اضافہ ہورہا ہے جبکہ گن کنٹرول کے سخت قوانین نہ بنانے کی وجہ سے امریکہ میں صورت حال سنگین بنتی جارہی ہے۔


امریکہ: ہائی اسکول میں فائرنگ‘1 طالب علم ہلاک‘ 3 زخمی


واضح رہے کہ رواں ماہ 14 ستمبرکو امریکی ریاست واشنگٹن کے علاقے اسپوکین میں واقع فری مین ہائی اسکول میں فائرنگ کا واقعہ پیش آیا تھا جس میں ایک طالب علم ہلاک جبکہ 3 زخمی ہوگئے تھے۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں

Comments

comments

یہ بھی پڑھیں