کراچی : نادرن بائی پاس کی مویشی منڈی میں بیوپاری کی سہولت کے لئے اپنی نوعیت کا پہلا اور منفرد ٹوکن سسٹم متعارف کرادیا گیا۔
تفصیلات کے مطابق کراچی میں نادرن بائی پاس کی مویشی منڈی میں منڈی انتظامیہ نے اپنی نوعیت کا پہلا اور منفرد ٹوکن سسٹم متعارف کرادیا ہے۔
اس نئے نظام کے تحت مویشی منڈی میں آنے والے ہر بیوپاری اور اسکے مویشی کی تصویروں پر مشتمل ڈیٹا تیار کیا جا ئے گا اور ہر جانور کے بدلے بیوپاری کو ٹوکن فراہم دیا جائے گا۔
بیوپاری مویشی کی فروخت کے وقت وہ ٹوکن خریدار کو دے گا ، جسے دکھانے کے بعد ہی کسی بھی جانور کو منڈی سے باہر لے جانے کی اجازت ہوگی۔
کسی تنازعے کی صورت میں بھی اس ٹوکن کی بنیاد پر انتظامیہ خریدار کی ہر ممکن مدد کرے گا۔
یاد رہے کراچی کے مضافات میں لگنے والی مویشی دوست منڈی ناردرن بائی پاس کا افتتاح کل ہوگا، منڈی آنے والے خریداروں کیلئے پارکنگ فیس میں50 فیصد تک رعایت کی گئی ہے جبکہ بیوپاری اور خریدار کی آسانی کیلئے منڈی میں اے ٹی ایم کی سہولت فراہم کی گئی ہے۔
یاد رہے پچھلے سال بھی مویشی منڈی میں لین دین کے حوالے سے اسٹیٹ بینک آف پاکستان نے اہم اقدام کرتے ہوئے ڈیجیٹل ادائیگیوں کی سہولت میں اضافہ کیا تھا۔
