ٹوکیو: جاپان کے مختلف علاقوں میں شدید زلزلے کے جھٹکے محسوس کیے گیے، جس کے بعد شہری خوف کے عالم میں گھروں سے باہر نکل کر محفوظ مقامات کی طرف چل پڑے۔
جاپان ٹائمز کی رپورٹ کے مطابق جاپان کے دارالحکومت ٹوکیو اور اس کے مضافاتی میں آنے والے زلزلے کی شدت ریکٹر اسکیل پر 6.2 ریکارڈ کی گئی۔
زلزلے سے کسی جانی و مالی نقصان کی اطلاع سامنے نہیں آئی اور نہ ہی ماہرین نے سونامی کے حوالے سے خبردار کیا ہے۔
جاپانی میڈیا رپورٹ کے مطابق زلزلے کا مرکز دارالحکومت کا مشرقی علاقہ تھا، جس کی گہرائی 80 کلومیٹر تھی۔
جاپان میں آنے والے زلزلے کی دل دہلا دینے والی ویڈیو سامنے آئی، جس میں زمین کے لرزنے کی وجہ سے سڑک، کھمبوں کو بھی ہلتے دیکھا جاسکتا ہے۔
Breaking: Magnitude 6.2 earthquake strikes near Tokyo, Japan. pic.twitter.com/z2fEAyE4cR
— PM Breaking News (@PMBreakingNews) October 7, 2021
مقامی انتظامیہ نے کسی بھی خطرے کے پیش نظر ہنگامی اقدامات شروع کردیے ہیں جبکہ شہریوں کو آفٹر شاکس کے حوالے سے بھی خبردار کیا گیا ہے۔
جاپانی میڈیا رپورٹ کے مطابق زلزلے کی وجہ سے ٹوکیو کے علاقے شنگوکو وارڈ کے ڈھائی سو سے زائد گھروں کی بجلی منقطع ہوگئی ہے، جس کی بھالی کا کام جاری ہے۔
این ایچ کے کی رپورٹ کے مطابق زلزلے کے باعث ٹرین آپریشن کو تھوڑی دیر کے لیے معطل کیا گیا جبکہ ایئرپورٹ کو بھی حفاظتی اقدامات کے تحت بند کیا گیا تھا۔
