ٹام اینڈ جیری کے اے آئی ورژن نے کارٹون کی دنیا میں تہلکہ مچا دیا ٹام اینڈ جیری کا کارٹون ٹیکسٹ پرامپٹ کے ذریعے بنایا گیا ہے۔
تفصیلات کے مطابق دنیا کے مقبول ترین کارٹون کی جوڑی ٹام اور جیری مصنوعی ذہانت کی دنیا میں داخل ہوگئی، مصنوعی ذہانت سے بنے نئے ٹام اینڈ جیری کارٹون کے چرچے ہورہے ہیں۔
ایک منٹ کی AI سے تیار کردہ ایپی سوڈ نے انٹرنیٹ پر دھوم مچا دی اور نیا ورژن دیکھنے والے حیران رہ گئے۔
کارٹون کا نیا ورژن مکمل طور پر اے آئی کے ذریعے صرف (ٹیکسٹ پرامپٹس) سے تخلیق کیا گیا ہے، اس مختصر اینیمیشن میں ٹام اور جیری کو نیویارک کے ایک دفتر میں روایتی شرارتیں کرتے ہوئے دکھایا گیا ہے، جو کلاسک کارٹون کی یاد تازہ کر دیتی ہے۔
ویڈیو میں ٹام کو نیویارک کے ایک دفتر میں جیری کے ساتھ اسی پرانی چھیڑ چھاڑ کرتے دکھایا گیا ہے، اینی میشن کا معیار اور بیک گراؤنڈ میوزک اتنا شاندار ہے کہ یہ اصل سیریز کا ہی حصہ محسوس ہوتا ہے۔
کارٹون نیٹ ورک نے اعلان کیا ہے کہ یہ ورژن صرف تفریح کے لیے نہیں بلکہ بچوں کو جدید ٹیکنالوجی سے روشناس کرانے کے لیے بنایا گیا ہے۔ نئے ورژن میں ٹام اور جیری اب عام بلی اور چوہا نہیں رہے، بلکہ وہ مکمل طور پر AI-powered characters بن چکے ہیں۔
نئے AI ورژن کو سوشل میڈیا پر زبردست پذیرائی مل رہی ہے، ایک صارف نے لکھا "ہم نے اپنی بچپن کی یادیں پھر سے تازہ کیں، مگر اس بار AI کے ساتھ۔ یہ واقعی نیا دور ہے ٹام اور جیری کا!”
"ٹام اور جیری” کا نیا AI ورژن کلاسک مزاح، جدید ٹیکنالوجی، اور تخلیقی کہانیوں کا حسین امتزاج ہے۔ یہ نہ صرف تفریح بخش ہے بلکہ بچوں کو سیکھنے کا ایک نیا انداز بھی فراہم کرتا ہے۔
