نوڈلز اور پاستا بچے نہایت شوق سے کھاتے ہیں، آج ہم آپ کو ٹماٹو پاستا بنانے کی ترکیب بتا رہے ہیں۔
اجزا
بون لیس چکن: 300 گرام
میکرونی: 250 گرام
ادرک لہسن کا پیسٹ: ڈیڑھ کھانے کا چمچ
ٹماٹر پیسٹ: 3 کھانے کے چمچ
کھانے کا تیل: 2 کھانے کے چمچ
زیتو ن کا تیل: 2 کھانے کے چمچ
سفید مرچ پسی ہوئی: 1 چائے کا چمچ
پانی: حسب ضرورت
نمک: حسب ذائقہ
اوریگانو: آدھ چائے کا چمچ
پیاز: آدھی
ٹماٹر: 4 عدد
سبز شملہ مرچ: 1 عدد
ترکیب
ایک برتن میں پانی لیں اوراس میں کھانے کا تیل، نمک اور میکرونی ڈال کر ابال لیں اور پھر ٹھنڈا کر لیں۔
اب ایک پین میں زیتون کا تیل لیں اور اس میں سفید پیاز ڈال کر ہلکا سا بھون لیں۔
اس میں ادرک لہسن کا پیسٹ، ٹماٹر پیسٹ اور چکن ڈال کر 5 سے 7 منٹ تک پکائیں۔
اب اس میں ٹماٹر، نمک، سفید مرچ، اوریگانو، شملہ مرچ، ٹماٹر اور ابلی ہوئی میکرونی ڈال کر پکا لیں۔
مزیدار چکن ٹماٹو پاستا تیار ہے۔
