The news is by your side.

Advertisement

کل کے پی سے پاکستان کی تاریخ کا سب سے بڑا جلوس لیکر نکلوں گا، عمران خان

پشاور : چیئرمین پی ٹی آئی عمران خان کا کہنا ہے کہ کل کے پی سے پاکستان کی تاریخ کا سب سے بڑا جلوس لیکر نکلوں گا، کوئی بھی ہمیں روکنا چاہتاہے تو ہمیں روک کر دکھا دے

تفصیلات کے مطابق چیئرمین پی ٹی آئی عمران خان نے پریس کانفرنس کرتے ہوئے کہا کل کے پی سے پاکستان کی تاریخ کا سب سے بڑا جلوس لیکر نکلوں گا، قافلے ہمارے ساتھ جمع ہونگے اور ہم اسلام آباد پہنچیں گے، کوئی بھی ہمیں روکنا چاہتاہے تو ہمیں روک کر دکھا دے۔

عمران خان کا کہنا تھا اگرملک میں کسی کی جان کو خطرہ ہے تو وہ میری جان کو خطرہ ہے ، مجھے اپنی جان کی پرواہ نہیں ہے ،یہ ملک کیلئے جہاد ہے۔

پی ٹی آئی چیئرمین نے کہا شریف،زرداری دور میں400ڈرون حملے ہوئے ، ڈرون حملوں کیخلاف انھوں نے ایک لفظ نہیں بولاکیونکہ ان پیسہ باہرہے، ان کے لیڈرز کے پیسے باہر ہیں،امریکی ان کو سازش کےتحت لیکر آئے، ان کی غلامی سے موت بہتر ہے اس لئے میں جہاد کا اعلان کیا ہے۔

انھوں نے لوگوں سے اپیل کی کہ خدا کے واسطے خوف کی زنجیریں توڑ دیں ، یہ غلام بناتا ہے ، یہ کتنے لوگوں کوجیلوں میں ڈالیں گے، عوام کا سمندر نکلنا چاہتا ہے یہ اسے جیلوں میں نہیں ڈال سکتے۔

عمران خان کا کہنا تھا کہ کل رات سے جیلوں میں ڈالنے کی کوشش کررہےہیں، اسلام آباد اور پنڈی کے لوگوں نے بھی نکلنا ہے، ملک کا مستقبل نوجوانوں کے ہاتھ میں ہے یہ جنگ ہم سب کی ہے، یہ حکومت اوپر رہ گئی تو قوم کا کوئی مستقبل نہیں ہے۔

ان کا مزید کہنا تھا کہ ایک ہماری تباہی اور دوسرا حقیقی آزادی کا راستہ ہے ، حقیقی آزادی کیلئے ہر شہری کو باہر نکلنا چاہیے ، عوام کے سمندر کوکوئی نہیں روک سکتا۔

Comments

یہ بھی پڑھیں