The news is by your side.

Advertisement

امریکی شہری کی ناک میں دانت نکلنے کا ہولناک انکشاف

نیویارک: امریکا میں ایک شخص کی ناک میں دانت نکل آیا۔

تفصیلات کے مطابق امریکا میں ایک 38 سالہ شخص کو کئی برس سے سانس لینے میں دشواری کا مسئلہ لاحق تھا، علاج کے لیے کلینک جانے پر انکشاف ہوا کہ اس کے دائیں نتھنے میں دانت نکل آیا ہے۔

رپورٹ کے مطابق مذکورہ شخص کی جب رائنواسکوپی اور کمپیوٹنگ ٹوموگرافک امیجنگ کی گئی تو مریض یہ جان کر سخت پریشان ہو گیا کہ اس کے نتھنے میں ایک دانت بے ترتیب انداز میں نکل آیا ہے۔

دانت مریض کی ناک کے درمیان موجود پتلی دیوار کو ایک طرف ہٹاتا ہوا نمودار ہوا تھا، ڈاکٹروں نے بتایا کہ وہ ایک انتہائی نایاب بیماری ectopic tooth کا شکار ہوا ہے، جس میں ناک میں غیر معمولی طور پر بے ترتیب دانت اُگ آتا ہے۔

مریض کا کہنا ہے تھا کہ سانس لینے میں دشواری کے لیے علاوہ اسے کوئی تکلیف نہیں ہوئی کبھی۔

اس غیر معمولی کیس کی تفصیلات ساگر کھنہ اور مائیکل ٹرنر نامی ماہر امراض دنداں نے دی نیو انگلینڈ جرنل آف میڈیسن میں شائع کی ہیں، انھوں نے لکھا کہ رائنواسکوپی میں دائیں نتھنے کے فرش میں ایک سخت، غیر نرم، سفید ماس دیکھا گیا۔

بعد ازاں ڈاکٹروں نے اس دانت کو نتھنے سے منہ اور ناک کی سرجری کے ذریعے نکالا، جس کی لمبائی 14 ملی میٹر تھی۔ جب کہ مریض کی ناک میں رکاوٹ کی علامات سرجری کے تین ماہ بعد دور ہوگئیں۔

Comments

یہ بھی پڑھیں