دُنیا بھر میں لوگ چاکلیٹ کے منفرد ذائقوں سے لطف اندوز ہوتے ہیں، یہ صرف بچوں ہی نہیں بلکہ بڑوں میں بھی یکساں مقبول ہے، اپنے منفرد ذائقے اور لذت کے باعث سال 2024 میں بھی اسے نمایاں مقام حاصل رہا۔
کریکنگ لیٹس ہوں اولمپک مفسنز یا اور بہت کچھ ! سال 2024 میں سوشل میڈیا کی مختلف سائٹس پر کھانے پینے کی اشیاء کے رجحانات میں اضافہ دیکھنے میں آیا۔
دبئی چاکلیٹ بار – "کنافہ آف اٹ”
2024کے سب سے زیادہ کھانے کی اشیاء میں سے ایک دبئی سے آئی، جہاں فکس ڈیزرٹ چاکلیٹئر نے "کنافہ آف اٹ” چاکلیٹ بار متعارف کرائی۔
یہ چاکلیٹ بار مشرق وسطیٰ کے روایتی ذائقوں اور کریمی دودھ چاکلیٹ کا ایک منفرد امتزاج تھا۔ اس میں کرسپ کطائف، پستہ اور تاہینی پیسٹ کو دودھ چاکلیٹ میں لپیٹا گیا تھا، جس نے اسے 2024کی سب سے مطلوبہ ٹریٹ بنا دیا۔
یہ بار اتنی مقبول ہوئی کہ اس کی تخلیق کار سارہ حمودہ نے امریکی نشریاتی ادارے سی این این کو بتایا کہ اس کے آرڈرز روزانہ 6 سے بڑھ کر 100 فی منٹ تک پہنچ گئے ہیں۔
چاکلیٹ کھانے کے شائقین اس سے اس قدر متاثر ہوئے کہ انہوں نے انٹرنیٹ پر ڈی آئی وائی ٹیوٹو ریلز دیکھ کر اس چاکلیٹ بار کو گھر میں بنانے کی بھی کوشش کی۔
اولمپک چاکلیٹ مفسنز : ایتھلیٹس کا میٹھا جنون
2024کے سمر اولمپکس کے دوران ایتھلیٹس نے ایک نئی ٹریٹ دریافت کی، جس کا نام تھا مزیدار چاکلیٹ مفسنز۔
ناروے کے تیراک ہینریک کرسچنسن نے ٹک ٹاک پر اس چاکلیٹ سے متعلق پوسٹ کی اور اپنی پسندیدگی کا اظہار کیا جس کے بعد یہ چاکلیٹ مفسنز عالمی سطح پر مزید مقبول ہوا۔
یہ مفسنز نہ صرف کھلاڑیوں بلکہ کھانے کے شوقین حضرات میں بھی مقبول ہوگئے اور ان کی نقل کرتے ہوئے سوشل میڈیا پر کئی ترکیبیں اور ویڈیوز بھی سامنے آئیں۔
وائرل کریکنگ لیٹے : برف کی طرح ٹوٹنے والی کافی
2024کا ایک اور مقبول رجحان کریکنگ لیٹے تھا، جو ٹک ٹاک پر چھا گیا۔ یہ ایک منفرد کافی ڈرنک تھی جس میں ایک کپ پر جمی ہوئی چاکلیٹ کی تہہ کو دبا کر برف کی طرح توڑا جاتا تھا۔
یہ مشروب صرف اپنے ذائقے کی وجہ سے ہی نہیں بلکہ اس کے "ٹوٹنے” کے منفرد انداز کی وجہ سے بھی سوشل میڈیا پر چھایا رہا۔
ماچا : تندرستی کا سبز پاؤڈر
جاپانی ثقافت کا ایک پرانا حصہ، ماچا، 2024 میں ایک عالمی رجحان بن گیا۔ یہ روشن سبز پاؤڈر مشروبات، کیک اور دیگر کھانوں میں استعمال ہوا۔
ماچا کے اینٹی آکسیڈنٹس اور توانائی بڑھانے والی خصوصیات نے اسے صحت کے شوقین افراد میں پسندیدہ بنا دیا جبکہ اس کے مخصوص میٹھے ذائقے نے اسے کھانوں میں مقبول رکھا۔
لواشک : ٹک ٹاک کا کھٹا میٹھا احساس
لواشک، جو ایران کی روایتی ٹریٹ ہے، 2024 میں عالمی سطح پر کھانے کا رجحان بن گیا۔ یہ چیری، بیر، خوبانی اور انار جیسے خالص پھلوں سے بنایا گیا میٹھا اور کھٹا اسنیک ہے، جس کا ذائقہ اور منفرد ساخت لوگوں کو اپنی طرف متوجہ کرتی ہے۔
ٹک ٹاک کی بدولت یہ ایرانی اسنیک دنیا بھر میں مقبول ہوا اور سوشل میڈیا پر کئی ویڈیوز کا بھی موضوع بنا۔
ڈریم کیک: دلکش اور خوش ذائقہ
ڈریم کیک 2024 کا سب سے نمایاں میٹھا تھا جو اپنے شاندار ڈیزائن اور لذیذ ذائقے کی بدولت مشہور ہوا۔
یہ نہ صرف پیشہ ور بیکرز بلکہ گھر کے شوقیہ افراد کے لیے بھی تخلیق کا معیار بن گیا۔
میٹیلیڈا کیک: چاکلیٹ کیک کا جنون
سال 2024میں ایک اور مقبول کیک میٹیلیڈا کیک بھی تھا، جو مشہور کتاب "میٹیلیڈا” کے چاکلیٹ کیک سے متاثر ہو کر بنایا گیا تھا۔ یہ کیک اپنی شکل اور مزیدار ذائقے کی وجہ سے سوشل میڈیا کا پسندیدہ میٹھا بن گیا۔
واضح رہے کہ کھانے پینے کے یہ مختلف رجحانات اس بات کی جانب واضح اشارہ کرتے ہیں کہ جدید دور میں کھانے کے ذائقے سوشل میڈیا کے ذریعے مقبول اور عالمی بن سکتے ہیں۔
