روس کی اعلیٰ عدالت نے ملک کی سائبر سیکیورٹی کے اعلیٰ افسر ایلیا سچکوف کو غدار قرار دے دیا ہے اور 14 سال قید کی سزا سنا دی ہے۔
غیر ملکی میڈیا کے مطابق روس کی اعلیٰ عدالت نے ملکی سائبر سیکیورٹی کے اعلیٰ افسر ایلیا سچکوف کو غداری کا جرم ثابت ہونے پر 14 سال قید کی سزا سنائی ہے۔
سچکوف پر خفیہ معلومات غیر ملکی جاسوسوں کو فراہم کرنے کے الزامات تھے جس پر انہیں دسمبر 2021 میں روس کی سیکریٹ سروس نے گرفتار کیا تھا۔
سائبر سیکیورٹی کے ماہر سچکوف نے گرفتاری سے ایک سال قبل اس وقت سرکاری سطح پر ہلچل مچا دی تھی جب انہوں نے روسی وزیراعظم میخائل میشوستن کی موجودگی میں صدر ولادیمیر پیوٹن کے سائبر سکیورٹی ایلچی پر شر انگیز بیانات دینےکا الزام عائد لگایا تھا۔
