The news is by your side.

Advertisement

افغان شہریوں کی واپسی، پاکستان کا طور خم اورچمن بارڈر کھولنے کا فیصلہ

اسلام آباد : پاکستان نے افغان شہریوں کی واپسی کیلئے طورخم اورچمن بارڈر کھولنے کا فیصلہ کرلیا ، دفتر خارجہ کا کہنا ہے کہ پاکستان افغانستان کے عوام سےاظہار یکجہتی کرتا ہے۔

تفصیلات کے مطابق پاکستانی دفترخارجہ کی ترجمان عائشہ فاروقی نے سماجی رابطے کی ویب سائٹ پر اپنے بیان میں کہا ہے کہ پاکستان نے طورخم اورچمن بارڈر 6سے9 اپریل تک کھولنے کا فیصلہ کیا ہے ، پاکستان میں موجود افغان شہریوں کی واپسی کے لیے بارڈر کھلے گا۔

ترجمان دفتر خارجہ کا کہنا تھا کہ افغان حکومت کی درخواست پرچمن اور طورخم بارڈر کھولنے کا فیصلہ کیاہے، ، ، پاکستان افغانستان کے عوام سےاظہاریکجہتی کرتا ہے۔

یاد رہے 20 مارچ کو وزیر اعظم عمران خان نے چمن بارڈر فوری کھولنے کی ہدایت کرتے ہوئے کہا تھا کہ کرونا (COVID-19) جیسی عالمی وبا پھوٹنے کے باوجود ہم اپنے افغان بھائی بہنوں کی مدد کے لیے پوری طرح یک سو اور پُر عزم ہیں۔

خیال رہے وزیراعظم عمران خان کی زیر صدارت قومی سلامتی کمیٹی اجلاس میں ، مغربی سرحدیں 2 ہفتے ہر قسم کی آمدورفت کے لیے بند کرنے فیصلہ کیا گیا تھا۔

وزیر خارجہ شاہ محمود قریشی نے بتایا تھا کہ اجلاس میں فیصلہ ہوا ہےداخلی پوائنٹس کو مزید موثر بنایا جائے، اگلے15روز کیلئے تمام باردڑز بند کیے جائیں گے، داخلی راستوں پراقدامات کو مزید سخت کیا جائے گا۔

خیال رہے پاکستان میں کورونا کیسز کی تعداد 2700 تک جا پہنچی جبکہ کورونا وائرس سے اموات کی تعداد 40ہوگئی ہے اور 130مریض صحت یاب ہوچکے ہیں۔

fb-share-icon0
Tweet 20

Comments

comments

یہ بھی پڑھیں