ٹورنٹو کے نواحی علاقے لارنس ہائٹس میں فائرنگ کا واقعہ رونما ہوا ہے، جس کے نتیجے میں ایک شخص ہلاک جبکہ 6 زخمی ہوگئے ہیں۔
غیر ملکی ذرائع ابلاغ کے مطابق مشتبہ شخص کے بارے میں پولیس نے معلومات ظاہر نہیں کیں۔ میئر ٹورنٹو اولیویا چاؤ کا کہنا ہے کہ ٹورنٹو کے نواحی علاقے لارنس ہائٹس میں فائرنگ کا واقعہ پریشان کن ہے۔
انہوں نے کہا کہ میرا دفتر ٹورنٹو پولیس اور مقامی کونسلر ڈپٹی میئر مائیک کول کے ساتھ رابطے میں ہے جو اس وقت جائے وقوعہ پر موجود ہیں اور تحقیقات شروع کردی گئی ہیں۔
میئر کا کہنا تھا کہ میں ٹورنٹو پولیس اور پیرامیڈک سروسز کا بر وقت ایک بہت ہی مصروف اور چیلنجنگ جگہ پر پہنچ کر اپنا کام کرنے کے لیے شکریہ ادا کرنا چاہتی ہوں۔
اُن کا مزید کہنا تھا کہ ٹورنٹو پولیس جلد ہی اس واقعے کی پیشرفت فراہم کرنے کے لیے کام کر رہی ہے۔
اس سے قبل امریکا کی ریاست ساؤتھ کیرولائنا کے بیچ ٹاؤن لٹل ریور میں فائرنگ کا واقعہ رونما ہوا، جس کے باعث 11 افراد زخمی ہو گئے۔ ریسکیو حکام نے زخمیوں کو اسپتال منتقل کردیا ہے۔
پولیس کا اس حوالے سے کہنا ہے کہ فائرنگ کا واقعہ رات کے وقت انٹرا کوسٹل واٹر وے کے نزدیک ایک رہائشی علاقے میں پیش آیا۔
پولیس کے مطابق مذکورہ معاملے کی تحقیقات کا آغاز کردیا ہے جبکہ عوام سے اپیل کی گئی ہے کہ وہ اس علاقے سے دور رہیں تاکہ ریسکیو اور سیکیورٹی ادارے اپنے امور انجام دے سکیں۔
امریکا: پولیس کی سی آئی اے ہیڈ کوارٹر کے باہر مشکوک گاڑی پر فائرنگ
عینی شاہدین کی جانب سے بنائی جانے والی ویڈیوز میں دیکھا جاسکتا ہے کہ متعدد پولیس گاڑیاں اور ایمبولینسیں جائے وقوعہ پر موجود ہیں۔
