ایتھنز: یورپی ملک یونان میں طوفانی بارشوں نے متعدد علاقوں کو ڈبو دیا ہے، گزشتہ 24 گھنٹوں میں 800 ملی میٹر کی بارش نے تباہی مچا دی ہے، 10 افراد جانوں سے ہاتھ دھو بیٹھے، یونانی وزیر اعظم کا کہنا ہے کہ یونان قدرتی آفت سے جنگ لڑ رہا ہے۔
غیر ملکی میڈیا رپورٹس کے مطابق یونان کے تھیسالی ریجن میں 4 دنوں کے دوران برقرار رہنے والے طوفان نے 3 فٹ بارش برسا دی ہے، جس سے بڑے پیمانے پر سیلاب آ گیا ہے۔
گزشتہ کئی ہفتوں سے یونان گرمی کی شدید لہروں اور آتش زدگیوں کا شکار رہا، اور اب طوفانی بارشوں نے ستمبر کے اوائل میں وسطی یونان میں بڑے پیمانے پر سیلاب کو جنم دیا ہے۔ 4 ستمبر کو شروع ہونے والے چار روزہ طوفان کے دوران سیلابی پانی نے گھروں کے گھر غرق کر دیے ہیں، اور گلیوں کو ندی نالوں میں تبدیل کر دیا، جس میں بہت سی کاریں بہہ گئیں۔
بارش کے باعث مختلف حادثات میں 10 افراد جان سے گئے، وسطی یونان میں سیلابی صورت حال پیدا ہو گئی ہے اور کئی گاؤں زیر آب آ گئے، بارشوں کی وجہ سے دریا بھی بپھر گئے جو اپنے ساتھ گھروں، سڑکوں اور پلوں کو بہا لے گئے، جب کہ فصلوں کو بھی شدید نقصان پہنچا ہے۔
In Greece, a flood caused by heavy rains washed many cars into the sea.
The center of Greece turned into a huge lake in less than a day, almost 300 thousand hectares of land were flooded. pic.twitter.com/cLukwVXvZz— Mikhail Kulakov (@mikkulakov) September 8, 2023
سیلاب میں پھنسے لوگوں کو نکالنے کے لیے ریسکیو آپریشن جاری ہے اور لوگوں کو محفوظ مقام پر منتقل کرنے کی کوشش کی جا رہی ہے۔
