اسلام آباد : قومی احتساب بیورو نے چیئرمین پی ٹی آئی کو 21 جون کو دوبارہ طلب کرلیا، درجنوں غیر ملکی تحائف اپنے پاس رکھنے سے متعلق سوالات کیے جائیں گے۔

تفصیلات کے مطابق چیئرمین پی ٹی آئی کو 21 جون کو 11بجے نیب راولپنڈی میں طلب کیا گیا ہے، چیئرمین پی ٹی آئی کو کیس سے متعلق دستاویزات اپنے ساتھ لانے کی ہدایت کی گئی ہے۔

نیب نوٹس میں کہا گیا ہے کہ چیئرمین پی ٹی آئی کو بطور وزیراعظم108تحائف ملے، چیئرمین پی ٹی آئی نے 58تحائف حاصل کیے جو توشہ خانہ میں جمع نہیں کرائے گئے۔

نوٹس کے متن کے مطابق آپ نے مناسب قیمت ادا کیے بغیر قیمتی تحائف اپنے پاس رکھے، ذاتی مفاد کے لیے کچھ تحائف آپ نے غیرقانونی طریقے سے اپنے پاس رکھے۔

قومی احتساب بیورو کی جانب سے کہا گیا ہے کہ بطور وزیراعظم آپ اس معاملے میں اثر انداز ہوئے، آج آپ کو طلب کیا گیا تھا مگر پیش نہیں ہوئے۔