لاہور : لاہور ہائی کورٹ نے توشہ خانہ ریفرنس میں چیئرمین پی ٹی آئی کی حفاظتی ضمانت کی درخواست خارج کرتے یوئے آئینی پٹیشن دائر کرنے کی ہدایت کردی۔
تفصیلات کے مطابق توشہ خانہ ریفرنس میں چیئرمین پی ٹی آئی کی لاہورہائیکورٹ میں حفاظتی ضمانت کی درخواست پر سماعت ہوئی۔
لاہورہائیکورٹ کی جانب سے رجسٹرار آفس کا اعتراض برقرار رکھتے ہوئے چیئرمین پی ٹی آئی کی حفاظتی ضمانت کی درخواست خارج کردی۔
لاہورہائیکورٹ نے چیئرمین پی ٹی آئی کے وکیل کو آئینی پٹیشن دائر کرنے کی ہدایت کردی، وکیل اشتیاق اے خان نے بتایا کہ نیب کی جانب سے 22جون کوطلبی کانوٹس موصول ہوا، پہلے ملنے والے نوٹسز کیخلاف اسلام آباد ہائیکورٹ سے رجوع کیا۔
عدالت نے استفسار کیا کہ آپ اسلام آباد کب جانا چاہتے ہیں، جس پر وکیل اشتیاق اے خان نے بتایا کہ چار جولائی کو کیسز لگےہیں تو عدالت کا کہنا تھا کہ
آپ کو آئینی پٹیشن دائر کرنا چاہیے تھی ، جس پر وکیل نے کہا کہ ہم اسی کو پٹیشن میں تبدیل کردیا ہے۔
