اسلام آباد : اسلام آباد ہائی کورٹ نے توشہ خانہ فوجداری کارروائی کا کیس قابلِ سماعت قرار دینے کا سیشن کورٹ کا فیصلہ کالعدم قرار دے دیا۔
تفصیلات کے مطابق اسلام آباد ہائی کورٹ میں توشہ خانہ فوجداری کارروائی کا کیس قابلِ سماعت قرار دینے کیخلاف درخواست پر سماعت ہوئی۔
اسلام آباد ہائیکورٹ کے چیف جسٹس عامر فاروق نے سماعت کی، دوران سماعت جسٹس عامر فاروق نے گزشتہ روز محفوظ کیا گیا فیصلہ سنایا۔
فیصلے میں اسلام آباد ہائی کورٹ نے توشہ خانہ فوجداری کارروائی کا کیس قابلِ سماعت قرار دینے کا سیشن کورٹ کا فیصلہ کالعدم قرار دے دیا۔
فیصلے میں کہا گیا ہے کہ سیشن کورٹ دوبارہ سن کر فیصلہ کرے ، ایڈیشنل سیشن جج ہمایوں دلاور ہی کیس سنیں گے۔
عدالت نے فیصلے میں چیئرمین پی ٹی آئی کے حق دفاع کی بحالی کی درخواست پرآئندہ ہفتے کے لیے نوٹس جاری کر دیا گیا ہے۔
عدالت نے توشہ خانہ کیس دوسری عدالت منتقل کرنے کی درخواست مسترد کردی اور تحریری فیصلے میں کہا گیا ہے کہ جج ہمایوں دلاور کا فیس بک اکاؤنٹ مستند نہیں ہے۔
ہائی کورٹ نے جج کی فیس بک پوسٹس کا معاملہ تحقیقات کیلئے ایف آئی اے کو بھیجتے ہوئے ہدایت کی کہ معاملے میں ملوث افراد کو ایف آئی اے طلب کرسکتا ہے۔
عدالت نے ایف آئی اے کو دس دن میں فیس بک پوسٹس پر رپورٹ پیش کرنے کا حکم دیا ہے۔
