The news is by your side.

Advertisement

سیاحت کے فروغ کیلئے پی آئی اے کی نئی پروازوں کا آغاز

کراچی : قومی ایئر لائن پی آئی اے نے سیاحت کے فروغ کیلئے اقدامات کرتے ہوئے سیالکوٹ سے اسکردو کے لئے پروازیں شروع کرنے کا اعلان کردیا ہے۔

اس حوالے سے ذرائع کا کہنا ہے کہ پی آئی اے سیالکوٹ سے اسکردو کیلئے3جولائی سے پروازیں آپریٹ کرے گی، پی آئی اے کراچی، اسلام آباد، لاہور سے اسکردو کے لئے پروازیں آپریٹ کررہی ہے۔

ذرائع کے مطابق پی آئی اے نے اسکردو سے چیری لانے پر بھی 50فیصد رعایت کا اعلان کیا ہے، کراچی، لاہور، اسلام آباد اور سیالکوٹ کیلئے چیری لانے پر رعایت ہوگی۔

پی آئی اے انتظامیہ کا کہنا ہے کہ پی آئی اے چیری لانے پر300روپے کلو کے بجائے 150روپے کلو وصول کرے گی، مسافر اپنے عزیز و اقارب کو تحفے کے طور پر چیری لاسکیں گے۔ پی آئی اے کارگو کےذریعے بھی چیری لانے پر رعایت دی جائے گی۔

Comments

یہ بھی پڑھیں