کیرالہ: بھارتی ریاست کیرالہ میں سیاحوں کی کشتی الٹنے سے کم از کم 22 افراد ہلاک ہو گئے۔
غیر ملکی میڈیا رپورٹس کے مطابق بھارت کی جنوبی ریاست کیرالہ کے مقامی حکام نے بتایا ہے کہ ضلع ملاپورم کے ساحلی قصبے تنور کے قریب سیاحوں سے بھری ایک ڈبل ڈیکر کشتی الٹنے سے کم از کم 22 افراد ہلاک ہو گئے ہیں۔
ضلعی پولیس کے جونیئر سپرنٹنڈنٹ عبدالنذر نے روئٹرز کو بتایا کہ کشتی میں تقریباً 40 مسافر سوار تھے، جو گنجائش سے زیادہ افراد سوار ہونے کی وجہ سے اتوار کی شام مقامی وقت کے مطابق تقریباً 7 بجے الٹ گئی۔
ریسکیو ذرائع نے پیر کو میڈیا کو بتایا کہ 22 لاشیں برآمد کی جا چکی ہیں، جن میں خواتین اور بچے بھی شامل ہیں، جب کہ ریسکیو آپریشن ابھی بھی جاری ہے۔
At least 22 dead as tourist boat capsizes in India’s Kerala state https://t.co/7dx0M7Mhyw
— Al Jazeera English (@AJEnglish) May 8, 2023
تھووال تھیرم ساحل کے قریب سیاحوں کی کشتی الٹنے کی وجہ تاحال معلوم نہیں ہو سکی ہے، حکام نے اموات بڑھنے کا خدشہ بھی ظاہر کیا ہے، جب کہ الٹنے والی کشتی کو کیچڑ بھرے پانی سے باہر نکال لیا گیا ہے۔
