The news is by your side.

گاڑی سے ٹکرا کر ٹریکٹر دو حصوں میں تقسیم، ویڈیو وائرل

آندھرا پردیش: بھارتی ریاست آندھرا پردیش میں مرسڈیز بینز اور ٹریکٹر ٹرالی کے درمیان ہونے والے تصادم نے سوشل میڈیا صارفین کو حیرت میں مبتلا کردیا ہے۔

مذکورہ حادثہ تروپتی کے قریب چندراگیری بائی پاس روڈ پر پیش آیا جہاں مخالف سمت سے آنے والا ٹریکٹر بیش قیمت گاڑی مرسڈیز بینز کار سے جا ٹکرایا۔

حادثے کے بعد جو مناظر دیکھنے کو ملے، اس نے سوشل میڈیا صارفین کو حیرت زدہ کردیا کیونکہ حادثے کے باعث ٹریکٹر ٹرالی دو حصوں میں تقسیم ہوگئی جبکہ مرسڈیز بینز کار کے اگلے حصے کو نقصان پہنچا۔

خوش قسمتی سے ٹریکٹر ڈرائیور معمولی زخمی ہوا جبکہ کار میں سوار مسافر محفوظ رہے، حادثے کی ویڈیو تیزی سے سوشل میڈیا پر وائرل ہورہی ہے۔

وائرل ویڈیو پر صارفین نے اپنے کمنٹس میں حادثے پر حیرانی کا اظہار کیا، کئی افراد کا کہنا ہے کہ جب ٹریکٹر دو حصوں میں تقسیم ہو گیا تو کار کو صرف معمولی نقصان کیسے پہنچا؟ کچھ صارفین نے مرسڈیز بینز کاروں کے معیار کو بھی سراہا۔

Comments

یہ بھی پڑھیں