گوجرانوالہ: صوبہ پنجاب کے شہر کامونکی میں ٹریکٹر ٹرالی کی موٹرسائیکل کو ٹکرسے ماں بیٹے سمیت تین افرادجان کی بازی ہارگئے۔
تفصیلات کےمطابق پنجاب کے شہر کامونکی میں جی ٹی روڈ پر ٹریکٹر ٹرالی کی ٹکر سے ماں بیٹے سمیت تین افراد جاں بحق جبکہ ایک شدید ذخمی ہو گیا۔
حادثے میں جاں بحق ہونے والےماں بیٹے سمیت تین افراد کی لاشوں کو تحصیل اسپتال کامونکی منتقل کردیاہے۔
ریسکیوذرائع کےمطابق جی ٹی روڈ پردو ٹریکٹر ٹرالیوں نے آپس میں ریس لگا رکھی تھی ایک اس دوران ایک ٹریکٹر ٹرالی تیز رفتاری کے باعث موٹرسائیکل سے جا ٹکرائی جس سے موٹرسائیکل پر سوار تیس سالہ علینا،سات ماہ کا سبحان اور آٹھ سالہ حمزہ ہلاک ہوگئے۔
جی ٹی روڈ پر حادثے میں جاں بحق خاتون کاخاوند شدید ذخمی ہو گیا،واقعے کے بعد ٹرالی ٹریکٹر ڈرائیور موقع سے فرار ہوگیا۔
پولیس حکام کا کہناہےکہ حادثے میں جاں بحق افراد کی لاشوں کو اسپتال منتقل کردیا،جبکہ پولیس نے واقعےمیں ملوث ٹریکٹر ٹرالی کے ڈرائیور کی گرفتاری کے لیےکارروائی شروع کردی ہے۔
مزید پڑھیں:ملتان : ٹریکٹر ٹرالی کی ٹکر،چار افراد جاں بحق
واضح رہےکہ گزشتہ سال مظفرگڑھ میں ٹریکٹر ٹرالی کی ٹکر سے دوبھائیوں سمیت چار بچے جان کی بازی ہارگئےتھے،جبکہ ڈرائیور جائے وقوعہ سے فرار ہونے میں کامیاب ہوگیا.
