The news is by your side.

Advertisement

دنیا بھر میں شادی کی عجیب و غریب رسومات

دنیا بھر میں زندگی کے ہر موقعے کے لیے عجیب و غریب رسمیں موجود ہیں، شادی بھی ایسا ہی موقع ہے جب ہر ملک میں مختلف رسموں کی ادائیگی کی جاتی ہے۔

براعظم افریقہ رسومات کے حوالے سے نہایت منفرد اور انوکھا ہے۔ افریقہ کے ایک علاقے میں شادی والے دن ساس اپنے داماد کو مرغا بنا کر اس کے ٹخنوں پر ڈنڈے مارتی ہے۔

اسی طرح ایک قبیلہ شادی کے قابل ہوجانے والے نوجوانوں کے ساتھ ایک تکلیف دہ رسم منعقد کرتا ہے، ان نوجوانوں کے ہاتھ ایک ایسے بیگ یا لفافے میں بند کردیے جاتے ہیں جس میں سرخ چیونٹیاں ہوتی ہیں۔

ان چیونٹیوں کا ڈنک نہایت خطرناک ہوتا ہے اور نوجوانوں کو اسے برداشت کرنا ہوتا ہے، جو نوجوان تڑپ کر لفافے سے ہاتھ نکال لے اسے شادی کے قابل نہیں سمجھا جاتا۔

اسی طرح ایک قبیلے میں لڑکے کے لیے لازمی ہے کہ وہ شادی سے قبل 12 سے 15 گائیں پالے، اور پھر ایک دن ان پر گوبر مل کر ایک ساتھ چھلانگ مارے۔ اگر اس دوران وہ گر پڑا تو اس کی شادی کا پروگرام منسوخ کردیا جاتا ہے۔

ایسی ہی کچھ رسومات خواتین کے لیے بھی ہیں۔ ایک قبیلے کی خواتین کے لیے لازمی ہے کہ شادی سے قبل وہ اپنے دانتوں کو کلہاڑے سے نوکیلے کروائیں۔ اس کے بغیر ان کی شادی ہونا ناممکن ہے۔

Comments

یہ بھی پڑھیں