حیدرآباد : شادی کے گھر میں صفِ ماتم بچھ گئی، رشتے داروں میں دعوت نامے تقسیم کرکے واپس آنے والے باپ بیٹا ٹریفک حادثے میں ہلاک ہوگئے۔
بھارتی ریاست تلنگانہ کے ضلع ورنگل میں اندوہناک واقعہ پیش آیا، باپ بیٹے کی لاشیں گھر پہنچنے پر کہرام مچ گیا، ٹریفک حادثہ تلنگانہ کے ضلع ورنگل میں پیش آیا۔
میڈیا رپورٹ کے مطابق متوفی 52سالہ وینکٹ نارائنا اپنے بڑے بیٹے کی شادی کے کارڈ کی تقسیم اپنے 26سالہ بیٹے رنجیت کے ساتھ کرنے کے بعد گھر واپس لوٹ رہا تھا کہ ایک مسافر بس ڈرائیور سے بے قابو ہوکر موٹر سائیکل سے ٹکرا گئی۔
- Advertisement -
حادثہ اس قدر شدید تھا کہ باپ بیٹے نے موقع پر ہی جان دے دی، پولیس کو واقعے کی اطلاع راہگیروں نے دی جس کے بعد لاشوں کو پوسٹ مارٹم کے لیے سرکاری اسپتال منتقل کیا گیا، پولیس نے مقدمہ درج کرکے مزید تحقیقات کا آغاز کردیا۔
