قصور:ٹریفک کے دو مختلف حادثات کے نتیجے میں نوجوان جاں بحق جبکہ دو افراد شدید زخمی ہوگئے.
تفصیلات کے مطابق کوٹ نانک سنگھ چھانگا مانگا کے رہائشی دو بھائی علی حید ر اور اشتیاق احمد موٹرسائیکل پر گاؤں سے چھانگا مانگا جارہے تھے.
کوٹ نانک سنگھ کے قریب تیزرفتار کار نے ٹکر ماردی،کار ڈرائیور جائے وقوعہ سے فرار ہوگیا،دونوں بھائیوں کو طبی امداد کے لیے جناح اسپتال منتقل کیا گیاجہاں اشتیاق احمد زخموں کی تاب نہ لاتے ہوئے جان کی بازی ہار گیا.
دوسری جانب شمس آباد کا رہائشی موٹرسائیکل سوار بوٹابازار سے گھر جارہاتھا کہ پتوکی ریلوے کراسنگ پل پر کار کی ٹکر سے محمد بوٹا موٹرسائیکل سے گر کر زخمی ہوگیا.
امدادی عملے کے نہ پہنچنے کے سبب بوٹا کو رکشے کے ذریعے اسپتال منتقل کیاگیا،جبکہ کار ڈرائیورگاڑی چھوڑ کر فرار ہو گیا،پولیس نے گاڑی قبضے میں لےکر کارروائی شروع کردی.