حیدرآباد: بھارتی شہر حیدرآباد میں ایک شخص نے ٹریفک چالان ملنے پر خود کشی کر لی۔
بھارتی میڈیا کے مطابق حیدرآباد میں ٹریفک چالان کی رقم ادا کرنے سے قاصر 52 سالہ ایلیا نامی شخص نے اپنی زندگی کا خاتمہ کر لیا۔
ایلیا اور اس کی بیوی ملّمہ آئی ایس سدرن ڈویژن کی چنتل بستی میں رہائش پذیر تھے، ٹریفک پولیس کی جانب سے ایلیا کی گاڑی پر 10 ہزار روپے کا چالان کٹا تھا۔
چالان کی عدم ادائیگی پر ٹریفک پولیس نے ایلیا کی گاڑی ضبط کر لی تھی، جس پر وہ شدید ذہنی دباؤ کا شکار ہو گیا تھا، پولیس کے مطابق ایلیا نے پیر کی رات گھر آ کر زہر پی لیا۔
جب گھر والے ایلیا کو تشویش ناک حالت میں اسپتال لے گئے تو ڈاکٹروں نے کہا کہ اس کی پہلے ہی موت واقع ہو چکی ہے۔ بتایا گیا ہے کہ ایلیا ایک مزدور کے طور پر کام کرتا تھا اور دس ہزار کی رقم ادا کرنے سے قاصر تھا۔
Traffic Challans have become a death penalty for people in Telangana.
Unable to pay Challan of ₹10,000, a person Yellaiah ended his life in Hyderabad.
BRS Govt & traffic police need to have humane approach instead of recklessly slapping fines on common man. pic.twitter.com/lncDDqG3UN
— Bandi Sanjay Kumar (@bandisanjay_bjp) March 8, 2023
ایلیا نے خودکشی نوٹ بھی لکھا، جس میں اس نے وزیر اعلیٰ اور کے ٹی آر سے خواہش کا اظہار کیا کہ غریب لوگوں کو چالان کی وجہ سے پریشانیوں کا سامنا ہے اس لیے اس مسئلے پر توجہ دی جائے۔
بی جے پی کے ریاستی صدر بنڈی سنجے نے ٹویٹ کرتے ہوئے لکھا کہ تتلنگانہ میں ٹریفک چالان لوگوں کے لیے سزائے موت بن چکا ہے، بی آر ایس حکومت اور ٹریفک پولیس کو عام آدمی پر لاپرواہی سے جرمانے کرنے کی بجائے انسانی رویہ اختیار کرنے کی ضرورت ہے۔
