کراچی: ٹریفک پولیس کے افسر کی ملنے والی پرتشدد لاش کا معمہ حل ہوگیا،مقتول کو تیسری اہلیہ نے اپنےدوست کے ساتھ مل کر ہتھوڑوں کے وار سے قتل کیاتھا.
تفصیلات کے مطابق کراچی میں گذشتہ روز ناگن فلائی اوور کے قریب رہائشی اپارٹمنٹ سے ملنے والی ٹریفک پولیس کے افسر سلیم کی پرتشد لاش کا معمہ حل ہوگیا.مقتول پولیس افسر ناظم آباد میں واقع ڈرائیونگ لائنسس برانچ میں تعینات تھا.
ایس پی ثاقب ابراہیم نے بتایا کہ مقتول افسر کو اس کی تیسری اہلیہ نے اپنے دوست کے ساتھ مل کر ہتھوڑے کے وار سے قتل کیا تھا.
ابتدائی تفتیش کے دوران پولیس کو مقتول کی تیسری اہلیہ پر شک گزرا تو اسے پوچھ گچھ کے لیے حراست میں لیا تو ملزمہ نے اپنے جرم کا اعتراف کرلیا،پولیس نے گرفتار ملزمان کی نشاندہی پر آلہ قتل برآمد کرلیا.
واضح رہے کہ صوبائی وزیر داخلہ سندھ سسہیل انور سیال نے واقعے کا نوٹس لیتے ہوئے پولیس افسران کو قاتلوں کی فوری گرفتاری کے احکامات جاری کئے تھے.
