The news is by your side.

Advertisement

ٹریفک قوانین کی خلاف ورزی کرنے والے شہریوں کو سدھارنے کا نیا طریقہ

گوجرانوالہ: صوبہ پنجاب کے شہر گوجرانوالہ میں ٹریفک پولیس نے لڑائی جھگڑے اور چالان سے تھک ہار کر شہریوں کو سدھارنے کا نیا طریقہ اپنا لیا۔

تفصیلات کے مطابق گوجرانوالہ میں سڑکوں پر روز کی تو تو، میں میں اور چالان سے تنگ آئی ہوئی ٹریفک پولیس نے شہریوں میں ٹریفک قوانین کی آگاہی کے شعور کے لیے نیا طریقہ کار اپنا لیا۔

سٹی ٹریفک پولیس کی جانب سے جی ٹی روڈ پر ایک آگاہی شو کروایا گیا جس میں ہیلمٹ پہننے اور سیٹ بیلٹ باندھنے والے افراد میں انعامات بھی تقسیم کیے گئے۔

شہری ٹریفک وارڈن ظہیر کمانڈو کا کہنا تھا کہ سٹی ٹریفک پولیس کا مقصد صرف چالان کرنا نہیں بلکہ لوگوں کی مدد کرنا بھی ہے۔

گوجرانوالہ ٹریفک پولیس نو ایکسیڈنٹ کا مشن کامیاب بنانے کے لیے شہریوں میں ٹریفک قوانین کی آگاہی کے لیے عمل پیرا ہے تاہم اب دیکھنا یہ ہے کہ شہری اس پروگرام میں پولیس کے ساتھ کتنا تعاون کرتے ہیں۔

مزید پڑھیں: کار ایکسیڈنٹ کے دوران جانی نقصان سے بچنے کی تجاویز

مزید پڑھیں: ٹریفک حادثے کی صورت میں کیا کیا جائے؟

یاد رہے کہ پاکستان سمیت دنیا بھر میں 90 فیصد ٹریفک حادثات کا شکار ہونے والے افراد صرف سیٹ بیلٹ نہ باندھنے یا ہیلمٹ نہ پہننے کی وجہ سے موت کا شکار ہوجاتے ہیں۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Print Friendly, PDF & Email

Comments

comments

یہ بھی پڑھیں