The news is by your side.

Advertisement

کشمیر آور، اسلام آباد کے تمام چوراہوں پر ٹریفک سگنل 12 بجے ریڈ کرنے کا فیصلہ

اسلام آباد : کشمیریوں سےاظہاریکجہتی کیلئے کشمیرآور’ پراسلام آباد کے تمام چوراہوں پر ٹریفک سگنل بارہ بجے ریڈ کرنے کا فیصلہ کیا گیا ہے، اشاروں اور شاہراہوں  پر کشمیریوں سے اظہاریکجہتی کیلئے احتجاج کیا جائے گا۔

تفصیلات کے مطابق کشمیریوں سےاظہاریکجہتی کیلئے وزیراعظم عمران خان کے اعلان کردہ ‘ کشمیرآور’ پر اسلام آبادکےتمام چوراہوں پرٹریفک سگنل بارہ بجے ریڈ کرنے کا فیصلہ کیا گیا ہے۔

ٹریفک پولیس کو کشمیرآور سے متعلق آگاہ کردیاگیا ہے، سگنل آدھےگھنٹے تک ریڈ اور ٹریفک رُکی رہے گی، اشاروں اورشاہراہوں پر کشمیریوں سے اظہار یکجہتی کیلئے احتجاج کیا جائے گا۔

ضلعی انتظامیہ کے زیراہتمام مرکزی اجتماع ڈی چوک پر ہوگا، دفاترکا عملہ جمع ہوکر اظہار یکجہتی کرےگا، پی ٹی آئی کے وزرا اور مقامی قائدین بھی ڈی چوک پر جمع ہو ں گے۔

مزید پڑھیں : جمعے کو ملک بھر میں 12 سے ساڑھے 12 بجے تک ٹریفک روک دی جائے گی

خیال رہے جمعے کے دن مقبوضہ کشمیر میں بھارتی فوج کے مظالم کے شکار مظلوموں کے ساتھ اظہار یک جہتی کے لیے ملک گیر احتجاج کیا جا رہا ہے، اس سلسلے جمعے کی نماز سے قبل 12 سے ساڑھے 12 بجے تک ملک بھر میں ٹریفک روک دی جائے گی، بارہ بجے سائرن بجیں گےاورقومی ترانہ پڑھاجائےگا، قومی ترانے کےبعد کشمیرکاترانہ بھی پڑھاجائےگا۔

واضح رہے یاد رہے وزیراعظم نے اپنے قوم سے خطاب میں کہا تھا کہ آخری سانس تک کشمیریوں کا ساتھ دیں گے، پاکستان کشمیر کے لیےہر حد اور ہر سطح تک جائےگا، اس جمعے سے ہر ہفتے آدھا گھنٹہ کشمیری بھائیوں کے نام کریں گے۔

Comments

comments

یہ بھی پڑھیں