نئی دہلی: بھارتی ریاست مہارشٹرا کے علاقے پونے میں میچ کے دوران کرکٹر دل کا دورہ پڑنے سے جاں بحق ہوگیا۔
بھارتی میڈیا رپورٹ کے مطابق مہارشٹرا کے علاقے جونار سٹی میں مقامی سطح پر کھیلے جانے والے ٹورنامنٹ کے دوران نان اسٹرائیک اینڈ پر موجود بلے باز اچانک وکٹ پر گر پڑے۔
بلے باز نے گیند کرانے کے بعد امپائر سے باقی گیندوں کی تعداد کے بارے میں پوچھا جس کے بعد اُن کی اچانک طبیعت خراب ہوئی اور وہ وہیں پر گر پڑے۔
مزید پڑھیں: کراچی میں باکسنگ میچ کے دوران مکا لگنے سے باکسر جاں بحق
بلے باز کی سانس اکھڑنے پر امپائر اور ساتھی بیٹسمین نے ان کے سینے کو دبا کر سانس بحال کرنے کی کوشش کی مگر اُن کی طبیعت سنبھل نہ سکی۔
بلے باز کو جب اسپتال لے جایا گیا تو ڈاکٹرز نے اُن کی موت کی تصدیق کی اور بتایا کہ ہارٹ اٹیک کی وجہ سے وہ جان کی بازی ہار گئے۔
واضح رہے کہ اس سے قبل جنوری میں بھی بھارت میں ایک 25 سالہ کرکٹر نے دوران میچ جان کی بازی ہار گئے تھے۔
