کراچی: پورٹ قاسم کے قریب تیز رفتار ٹریلر نے موٹر سائیکل پر سوار 2 افراد کو کچل دیا، جس کے نتیجے میں دونوں افراد موقع پر ہی جاں بحق ہوگئے۔
اے آر وائی نیوز کے مطابق پولیس کا کہنا ہے کہ حادثے میں موٹرسائیکل سوار 2 افراد جاں بحق ہوئے، لاشوں کو اسپتال منتقل کردیا ہے۔
پولیس ذرائع کے مطابق حادثے میں جاں بحق ہونے والے افراد کی شناخت ظہور اور فہد کے نام سے ہوئی ہے جبکہ ڈرائیور موقع سے فرار ہو گیا ہے، ٹریلر کو تحویل میں لے لیا گیا ہے۔
اس سے قبل کشمور میں پولیس چوکی گنڈیر پر حملے کے نتیجے میں ایک پولیس اہلکار شہید اور دو زخمی ہوگئے۔
تفصیلات کے مطابق کشمور کے علاقے بڈانی میں ڈاکوؤں نے پولیس چوکی پرحملہ کردیا، اس دوران ڈاکوؤں نے جدید اسلحہ سے فائرنگ کی، جس کے نتیجے میں تین پولیس اہلکار زخمی ہوگئے۔
کوئٹہ : پکنک پوائنٹ سے 10 افراد کو اغوا کرلیا گیا
زخمیوں اہلکاروں کو اسپتال منتقل کیا گیا، جہاں دوران علاج ایک اہلکار غلام مصطفیٰ راجپر دم توڑ گیا جبکہ دیگر دو زخمی اہلکاروں کو تشویشناک حالت میں لاڑکانہ منتقل کردیا گیا ہے۔
