The news is by your side.

Advertisement

ٹرین اور بس میں خوفناک تصادم، بس جل کر مکمل تباہ

برلن : جرمنی میں ٹرین اور بس کی ٹکر کے نتیجے بس مکمل طور پر جل کر تباہ جبکہ ٹرین بھی پٹری سے اتر گئی۔ حادثے میں متعدد افراد شدید زخمی ہوگئے۔

غیر ملکی خبر رساں ادارے کی رپورٹ کے مطابق جنوبی جرمنی میں ریلوے پھاٹک پر بس اور ٹرین کی ٹکر ہوئی جس کے نتیجے میں ٹرین کی کئی بوگیاں پٹڑی سے اتر گئیں۔

The wreckage of the bus pictured near the railway line at Blaustein.

تصادم اتنا شدید تھا کہ بس کا ڈرائیور فرنٹ شیشہ توڑتے ہوئے باہر جا پڑا اور بری طرح زخمی ہوگیا۔ خوش قسمتی سے بس میں  مسافر سوار نہیں تھے۔

دوسری جانب ٹرین میں ٹرین کا ڈرائیور اور دو مسافر بھی شدید زخمی ہوئے ہیں جب کہ دیگر مسافروں کو معمولی نوعیت کی چوٹیں آئی ہیں۔

Germany Train Accident

پولیس کا کہنا ہے کہ ٹرین میں 74 مسافر سوار تھے جنہیں حادثے کے بعد ایک قریبی اسپتال میں لے جایا گیا اور طبی امداد فراہم کی گئی۔

Germany Train Accident

خبر کے مطابق حادثے کے بعد بس میں آگ لگ گئی اور وہ مکمل طور پر خاکستر ہوگئی۔ مقامی پولیس کا کہنا ہے کہ بس اور ٹرین کی ٹکر اس وقت ہوئی جب قریب ہی ایک موٹر سائیکل کا حادثہ ہوا تھا جس کے باعث بس پھاٹک کے بیچ میں ریلوے لائن پر پھنس گئی تھی۔

Comments

یہ بھی پڑھیں