بھارتی حیدرآباد میں چلتی ٹرین میں چڑھنے کی کوشش مسافر کو مہنگی پڑ گئی، مسافر ریلوے پلیٹ فارم اور ٹرین کے درمیان پھنس گیا۔
غیر ملکی ذرائع ابلاغ کے مطابق یہ واقعہ آج ریاست تلنگانہ کے وقار آباد ریلوے اسٹیشن میں پیش آیا۔جس کی ویڈیو بھی سوشل میڈیا پر گردش کررہی ہے۔
A man slipped and got stuck between the train and platform, while attempting to board a moving train at #Vikarabad Railway Station and was dragged along, recorded in #CCTV .
The alert passengers, RPF, railway officials saved the life of the passenger. (1/2)#Telangana pic.twitter.com/2iQDtUHSWd
— Surya Reddy (@jsuryareddy) January 30, 2024
سامنے آنے والی ویڈیو میں واضح طور پر دیکھا جاسکتا ہے کہ ایک مسافر ریلوے اسٹیشن میں داخل ہوا، اس نے دیکھا کہ ٹرین نکل چکی ہے تو وہ دوڑتا ہوا چلتی ٹرین میں سوار ہونے کی کوشش کرنے لگا۔
مسافر اچانک توازن کھو جانے کے باعث ٹرین اور پلیٹ فارم کے درمیان گر پڑا، کافی دور تک ٹرین اسے گھسیٹتی ہوئی لے گئی، اس کے بعد ٹرین کو روک دیا گیا۔
30سالہ شخص نے چلتی ٹرین کے سامنے چھلانگ لگادی، ویڈیو وائرل
ریلوے پولیس نے تقریباً دو گھنٹوں کی جدوجہد کے بعد پلیٹ فارم کو توڑ کر مسافر کو بہ حفاظت باہر نکالا، مذکورہ شخص کو علاج کے لئے اسپتال منتقل کردیا گیا ہے، جبکہ زخمی کی شناخت ستیش کے طور پر ہوئی ہے۔
