The news is by your side.

Advertisement

حیدر آباد حادثے کے بعد ٹرین آپریشن تا حال تاخیر کا شکار

کراچی: تین دن قبل پیش آنے والے حیدر آباد حادثے کے بعد ٹرین آپریشن تا حال تاخیر کا شکار ہے، ٹرینیں تاخیر سے آنے کی وجہ سے کراچی سے روانگی میں بھی تاخیر کا سامنا ہے۔

تفصیلات کے مطابق جمعرات کو حیدر آباد ریلوے اسٹیشن کے قریب ایک ہی ٹریک پر چلنے والی دو ریل گاڑیوں کے آپس میں ٹکرانے کے حادثے کے بعد سے اب تک ٹرین آپریشن بحال نہیں کیا جا سکا ہے۔

ریل گاڑیاں تاخیر سے کراچی آ رہی ہیں جس کی وجہ سے کراچی سے جانے والی ٹرینیں بھی تاخیر سے نکل رہی ہیں۔

لاہور جانے والی کراچی ایکسپریس 5 گھنٹے تاخیر سے سوا 9 بجے روانہ ہوگی، ملت ایکسپرس ایک گھنٹہ 45 منٹ تاخیر سے 6 بج کر 45 منٹ پر روانہ ہوگی۔

تیزگام ایکسپریس 2 گھنٹے تاخیر سے 7 بج کر 30 منٹ پر روانہ ہوگی جب کہ سکھر ایکسپریس ایک گھنٹہ تاخیر سے رات 11 بجے روانہ ہوگی۔

تازہ خبریں پڑھیں:  اضافی ریل گاڑیاں حادثات کی وجہ بن رہی ہیں: سابق وزیر ریلوے سعد رفیق

ریلوے حکام نے ہدایت جاری کی ہے کہ مسافر معلومات کے لیے ریلوے انکوائری 117ـ021 پر رابطہ کریں۔

یاد رہے کہ حیدر آباد کے قریب کراچی سے جانے والی جناح ایکسپریس مال گاڑی سے ٹکرا گئی تھی، اس حادثے میں تین افراد جاں بحق اور متعدد زخمی ہوگئے تھے۔

جاں بحق ہونے والوں میں جناح ایکسپریس کا ڈرائیور اور اسسٹنٹ ڈرائیور اور گارڈ شامل تھے، حادثہ اتنا شدید تھا ٹرینوں کے ٹکرانے کی آواز دور دور تک سنی گئی۔

Comments

comments

یہ بھی پڑھیں