کراچی: ملک بھر میں مون سون بارشوں کے باعث ٹرینوں کی آمدورفت تاخیر کا شکار ہو گئی۔
تفصیلات کے مطابق ملک میں جاری مون سون بارشوں سے ٹرین آپریشن متاثر ہوا ہے جس سے مسافروں کو پریشانی کا سامنا ہے۔
کراچی سے بہاءالدین زکریا ایکسپریس سوا گھنٹے تاخیر سے ساڑھے7 بجےروانہ ہو گی جب کہ فرید ایکسپریس ساڑھے 4گھنٹے تاخیر سے رات 12 بجے روانہ ہو گی۔
شاہ حسین ایکسپریس ایک گھنٹےکی تاخیر سے 10 بجےجائے گی جب کہ سکھر ایکسپریس ڈھائی گھنٹے تاخیر سے ایک بجے روانہ ہوگی۔
کراچی سے خیبرمیل ڈیڑھ گھنٹے کی تاخیر سے پونے 12 بجے روانہ ہو گی۔
ادھر قومی آفات مینجمنٹ اتھارٹی (این ڈی ایم اے) نے آئندہ چار روز تک ملک بھر میں مون سون بارشوں اور ممکنہ سیلاب کا الرٹ جاری کر دیا۔
جس میں کہا ہے کہ آج سے پانچ جولائی تک کشمیر، اسلام آباد، پوٹھوہار، خیبرپختونخوامیں موسلادھار بارشیں متوقع ہیں، ممکنہ بارشوں کے نتیجے میں پشاور، چارسدہ، نوشہرہ اور کوہاٹ میں سیلاب کا خدشہ ہے۔
الرٹ میں کہنا تھا کہ راولپنڈی، اسلام آباد، اٹک اور چکوال میں بھی شدید بارشوں کاامکان ہے جبکہ لاہور، جہلم، منڈی بہاؤ الدین، گجرات، سیالکوٹ، گوجرانوالہ اور نارووال میں بارش متوقع ہے تاہم فیصل آباد، سرگودھا ڈویژن کے نشیبی علاقوں میں سیلابی صورتحال ہوسکتی ہے۔
