The news is by your side.

Advertisement

بیرون ملک سے آنے والی پرواز کے 24 مسافر کورونا میں مبتلا ، حکام کی دوڑیں لگ گئیں

پشاور : ایئرپورٹ پر بیرون ملک سے آنے والے 24 مسافروں میں کورونا کی تصدیق ہوگئی ، مسافروں میں کوروناکی نشاندہی تربیت یافتہ سراغ رساں کتوں نے کی۔

تفصیلات کے مطابق پشاور ایئرپورٹ پر سراغ رساں کتوں کی مدد سے مسافروں کے سویب ٹیسٹ جاری ہے ، تربیت یافتہ سراغ رساں کتوں نے 24 مسافروں میں کوروناکی نشاندہی کردی۔

پی کے 218 کے ذریعےپہنچنے والے 128مسافروں کے ریپڈ ٹیسٹ کئے گئے، جس میں سے 24مسافروں میں کورونا کی تصدیق ہوئی ، مسافروں نے احتجاج کرنے ہوئے قرنطینہ جانے سے انکار کیا ، جس پر ائیر پورٹ انتظامیہ نے پولیس طلب کر لی۔

پشاورائیرپورٹ منیجر نے ضلعی انتظامیہ اور ایمبولینس بھی طلب کرلی ہے، مسافروں کو قرنطینہ سینٹر منتقل کردیا گیا، جہاں انکا دوبارہ ٹیسٹ لیا جائے گا اور کرونا منفی آنے پر انہیں گھر روانہ کیا جائے گا۔

Comments

یہ بھی پڑھیں