تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

طیارہ پہاڑ‌ سے ٹکرا کر تباہ، ہلاکتوں‌ کی تصدیق

بیروت: لبنان میں تربیتی طیارہ پہاڑ سے ٹکرا کر تباہ ہوگیا،  جس کے نتیجے میں جہاز میں سوار تمام افراد جاں بحق ہوگئے۔

خبررساں ادارے رائٹرز کی رپورٹ کے مطابق لبنان کے دارالحکومت کے شمالی ضلع کیسروان کی پہاڑیوں کے درمیان  واقع جنگلات میں سول تربیتی طیارے کو جمعرات کے روز حادثہ پیش آیا۔

ایوی ایشن حکام کے مطابق طیارے میں سوار تینوں افراد مارے گئے جن میں سے دو مسافر اور ایک پائلٹ تھا۔

ایوی ایشن اتھارٹی کی جانب سے جاری بیان کے مطابق تربیتی طیارہ حادثے سے بیس منٹ پہلے تک کنٹرول روم سے رابطے میں تھا، یہ اوپن اسکائی نامی کمپنی کی ملکیت تھا جس نے دوپہر دیڑھ بجے  بیروت ایئرپورٹ سے اڑان بھری تھی۔

مزید پڑھیں: فلپائن میں فوجی طیارہ گر کر تباہ، بڑا جانی نقصان

یہ بھی پڑھیں: زمبابوے فضائیہ کا ہیلی کاپٹر گھر پر گر کر تباہ

اوپن اسکائی کی جانب سے اس حوالے سے کوئی بھی بیان جاری نہیں کیا گیا۔ محکمہ ہوا بازی اور ٹرانسپورٹ نے حادثے کی وجوہات جاننے کے لیے کمیٹی تشکیل دے دی ہے۔

مقامی شہری کا کہنا تھا کہ ’جس علاقے میں طیارے کو حادثہ پیش آیا، وہاں بہت زیادہ دھند تھی، جہاز میرے گھر کے اوپر سے ہوتا ہوا سیدھا پہاڑ سے جا کر ٹکرایا‘۔

طیارے کے گرنے  کے  اسباب کے بارے میں تا حال کوئی معلومات فراہم نہیں کی گئی۔ مقامی انتظامیہ نے بتایا کہ  امدادی ٹیموں نے مرنے والوں کی لاشوں کو نکال کر اسپتال منتقل کردیا جبکہ تفتیش کاروں نے شواہد اکھٹے کر لیے ہیں۔

Comments

- Advertisement -