قیدیوں کا مسکن جیل ہوتی ہے ہری پوری کی قدیم جیل میں قائم ٹریننگ سینٹر اپنے قیدیوں کو معاشری کا کارآمد شہری بنا رہا ہے۔
کسی بھی مجرم کو سزا کے بعد جیل میں رکھا جاتا ہے جہاں وہ اپنی زندگی کا بڑا وقت گزارتا ہے۔ پاکستان میں یوں تو کئی جیلیں ہیں لیکن صوبہ خیبر پختونخوا کے شہر ہری پور کی قدیم جیل کی خاص بات یہ ہے کہ وہاں واقع ٹریننگ سینٹر جیل کے قیدیوں کو مختلف ہنر سکھا رہا ہے تاکہ وہ اپنی رہائی کے بعد معاشرے میں کارآمد شہری بن سکیں۔
اے آر وائی نیوز کے مطابق شازیہ نثار کے مطابق جیل کے ٹریننگ سینٹر میں قیدیوں کو الیکٹریشن، آٹو مکینک، فرنیچر سازی، قالین سازی، پشاور چپل بنانے کے ہنر سکھائے جاتے ہیں۔
اس کے علاوہ کمہار کے پیشے کی جدید تیکنیک کی تربیت بھی دی جائے ہے۔ قیدیوں کو یہ تمام ہنر بلا معاوضہ سکھائے جا رہے ہیں۔
سینٹرل جیل ہری پور میں بنائی گئی یہ ہنر مندوں کی بستی نہ صرف معاشی طور پر قیدیوں کو خود کفیل بنا رہی ہے بلکہ اس قابل بھی بنا رہی ہے کہ جیل سے رہائی کے بعد یہ قیدی سند یافتہ ہو کر روزگار جاری رکھ سکیں گے۔
